Qyrǵyz Respýblıkasynda ulttyq aza tutý kúni jarııalandy

2249
Adyrna.kz Telegram

Qyrǵyzstan basshysy Sadyr Japarov 19 qyrkúıekti Qyrǵyzstanda ulttyq aza tutý kúni dep jarııalady. Bul týraly Qyrǵyz Respýblıkasy Prezıdent ákimshiliginiń Aqparattyq saıasat qyzmetiniń jetekshisi Daıyrbek Orynbekov málimdedi, dep habarlaıdy “Adyrna” ulttyq portaly.

“Qyrǵyz Respýblıkasynyń prezıdenti Sadyr Japarov 2022 jyldyń 19 qyrkúıegin Qyrǵyz Respýblıkasynda ulttyq aza tutý kúni dep jarııalaý týraly jarlyqqa qol qoıdy”, – dedi Orynbekov.

Sondaı-aq, ol 14-17 qyrkúıekte Batken oblysyndaǵy memlekettik shekaranyń qyrǵyz-tájik ýchaskesinde oryn alǵan qarýly qaqtyǵys Qyrǵyz Respýblıkasy azamattarynyń ólimine ákelgenin túsindirdi.

«Qaıtys bolǵandarǵa qaıǵyryp, olardyń týǵan-týystary men jaqyndaryna kóńil aıta otyryp: 2022 jylǵy 19 qyrkúıekti Qyrǵyz Respýblıkasynda ulttyq aza tutý kúni dep jarııalandy; búkil el boıynsha ulttyq aza tutý kúninde, sondaı-aq sheteldegi dıplomatııalyq jáne konsýldyq mekemelerdiń ǵımarattarynda Qyrǵyz Respýblıkasynyń memlekettik týlary jartylaı ilingen deńgeıge deıin túsirilsin; mádenıet mekemeleri men teleradıokompanııalarǵa ulttyq aza tutý kúni oıyn-saýyq sharalary men baǵdarlamalaryn toqtatý usynyldy», - delingen Qyrǵyzstan prezıdenti ákimshiliginiń aqparattyq saıasat qyzmeti taratqan habarlamada.

Eske salaıyq, qyrǵyz-tájik shekarasyndaǵy qarýly qaqtyǵystan 36 qyrǵyzstandyq qaza tapty.

”Adyrna” ulttyq portaly 

Pikirler