Almaty oblysynda şetelık investorlardyŋ qatysuymen 1,3 milliard dollar somasyna 19 joba jüzege asyryluda. Būl turaly Almaty oblysynyŋ äkımı Marat Sūltanǧaziev beinekonferensiia bailanysy rejimınde ötken «QR – QHR yntymaqtastyǧy boiynşa Dostyq dialog» teleköpırı barysynda mälımdedı, dep habarlaidy " Adyrna" portaly.
Belgılı bolǧandai, Almaty oblysy älem boiynşa 97 elmen sauda yntymaqtastyǧyn jürgızude. 2022 jyldyŋ 7 aiynda oblystyŋ eksport ainalymy — 179,9 mln AQŞ dollaryn qūrady. Būdan basqa, 6 500 — ge juyq jūmys ornyn qūra otyryp, şeteldık investorlardyŋ qatysuymen 1,3 mlrd, AQŞ dollary somasyna şamamen 19 joba, onyŋ ışınde investisiialar somasy-94,5 mlrd. teŋge bolatyn 350 jūmys ornyn qūrumen «Jetısu Volframy» JŞS – «Būǧyty» volfram ken ornyn önerkäsıptık igeru siiaqty Qytai investisiialarynyŋ qatysuymen jobalar ıske asyrylu satysynda, «Jetıözennıŋ quaty» JŞS — investisiia somasy 37,4 mlrd.teŋgenı qūraityn 60 MVt – tyq «Şelek» jel elektr stansiiasy, onda 30 jūmys ornyn qūru josparlanuda.«Almaty oblysy men Qytai Halyq Respublikasy arasyndaǧy ekonomikalyq qatynastardyŋ qazırgı jaǧdaiy jaŋa bırlesken jobalardy ıske asyru boiynşa ülken mümkındıkter aşady.Bügıngı künı logistika, turizm, auyl şaruaşylyǧy, jaŋartylatyn energiia közderı, öŋdeu önerkäsıbı, qūrylys materialdaryn öndıru jäne farmasevtika syndy ekonomikanyŋ salalary öŋırdı damytudyŋ basym baǧyttary bolyp tabylady. Qazaqstan Respublikasynyŋ oŋtüstık-şyǧysynda ornalasqan oblystyŋ QHR – men jalpy şekarasy 300 km-den astam jäne «Ūly Jıbek joly» ötetın Respublikanyŋ tört oblysynyŋ bırı, «Batys Europa-Batys Qytai» halyqaralyq maŋyzy bar avtomobil dälızı bolyp tabylady. Eldıŋ eŋ ırı megapolisı – Almaty qalasynyŋ ainalasynda aglomerasiia qūryluda, onda negızgı önerkäsıp pen halyq şoǧyrlanǧan. Oblystyŋ TRANSKONTİNENTALDYQ DÄLIZ jolynda tiımdı kölıktık-logistikalyq ornalasuy öŋırge 183 mln.adam äleuetı bar Euraziialyq ekonomikalyq odaq (EAEO) naryqtaryna qol jetkızuge mümkındık beredı jäne kölıktık logistikany damytu basymdyǧyn aiqyndaidy», — dep atap öttı öz sözınde Marat Sūltanǧaziev.Teleköpırdı qorytyndylai kele, Almaty oblysynyŋ äkımı Marat Sūltanǧaziev pen ŞŪAA Halyq ükımetınıŋ töraǧasy Erkın Tuniiaz Şyŋjaŋ öŋırımen bauyrlastyq bailanys ornatu nietı turaly hattamaǧa qol qoidy. Esterıŋızge sala keteiık, QHR Töraǧasy Si Szinpin 14 qyrküiekte Nūr-sūltanǧa memlekettık saparmen barady. Ol respublika prezidentı Qasym-Jomart Toqaevtyŋ şaqyruymen keledı. Būl QHR basşysynyŋ koronavirustyq pandemiia bastalǧannan bergı alǧaşqy şeteldık sapary.
Ūqsas jaŋalyqtar
