Almatyda áli 500 ctýdent jataqhanasyz sandalyp júr. Bul týraly «Jibek Joly» telearnasynyń «Jańa ýaqyt» baǵdarlamasyna suhbat bergen Ǵylym jáne joǵary bilim vıe-mınıstri Talǵat Eshenqulov málimdedi, dep habarlaıdy “Adyrna” ulttyq portaly.
«Búgingi tańdaǵy óte ózekti suraq kóterilip tur. «Dalada qańǵyp júrgen stýdent», degen sózdi qoldanýdan aýlaq bolsaq. Óıtkeni, dál osy máseleni tekserý úshin bizdiń áriptesterimiz reıd quryp, jaǵdaıdy anyqtady. Onyń nátıjesinde dalada qonyp jatqan birde bir stýdent jolyqqan joq. Degenmen mundaı másele joq dep aıta almaımyz. Statıstıkaǵa toqtalatyn bolsaq, áýeli máseleniń arajigin bólip alǵan jón. Búgingi tańda Almaty boıynsha 181 myńnan astam stýdent bar. Onyń ishinde 121 761 stýdent basqa óńirlerden kelgen. Osy 121 myń stýdenttiń 36 myńnan astamy jataqhanaǵa ornalastyryldy. Qalǵan 37 myń stýden hostelder men páterlerge ornalasty. 47 myń bala ózderiniń týystary men tanystarynyń úıinde turyp jatyr. Bul – naqty málimet. Barlyǵyn qosa kelgende, 121 261 stýdent ornalastyrylǵan. Al 500 ctýdent qazirgi ýaqytta eshqaıda ornalastyrylǵan joq», – dedi vıe-mınıstr.
Talǵat Eshenqulov keltirgen derekke sáıkes, Almatydaǵy oqý oryndary stýdentterdi ornalastyrý boıynsha hostelder jáne jeke páter ıelerimen kelisimsharttar jasasyp jatyr.
«Kúni keshe Abaı atyndaǵy Qazaq ulttyq pedagogıkalyq ýnıversıteti 4 hostelmen kelisimshartqa otyrdy. Kelisimshart negizinde bizdiń stýdentterge beriletin oryndardyń baǵasy 20-25 myń teńgeden aspaıdy dep kelisildi. Jalpy Almaty qalasyndaǵy joǵary oqý oryndarynyń barlyǵy derlik stýdentterdi ornalastyrý úshin hostel jáne basqa da oryndarmen jekeleı kelisimshartqa otyryp jatyr», – dep atap ótti Talǵat Eshenqulov.
Vıe-mınıstr respýblıka boıynsha jataqhanalarda 101 myń oryn bar ekenin aıtty. Al bıyl olarda turýǵa 87 myń stýdent ótinish bergen. Qalǵandary bos tur. Talǵat Eshenqulovtyń aıtýynsha, oryndardyń kóbi óńirlik ýnıversıtetterdiń úlesine tıesili.
”Adyrna” ulttyq portaly
