Pavlodar turǵyny júkti áıeldi alyp qashyp, zorlaǵany úshin 11 jylǵa bas bostandyǵynan aıyryldy, dep habarlaıdy "Adyrna" ulttyq portaly Tengrinews.kz-ke silteme jasap.
Sottyń baspasóz qyzmeti habarlaǵandaı, Pavlodar turǵyny jábirlenýshige birneshe ret jasalǵan zańsyz áreketteri úshin jáne zorlady dep aıyptalyp, bas bostandyǵynan aıyryldy. Proess jabyq esik jaǵdaıynda ótti.
Sot er adamnyń kinási jábirlenýshiniń aıǵaqtarymen, kýágerlermen jáne sarapshylardyń qorytyndylarymen dáleldendi dep atap ótti. Prokýror er adamdy 12 jylǵa bas bostandyǵynan aıyrýdy surady.
«Pavlodar qalasynyń turǵyny qylmystyq quqyq buzýshylyq jasaǵany úshin kináli dep tanyldy. Ol 10 jylǵa bas bostandyǵynan aıyryldy. Sonymen qatar, Qylmystyq kodekstiń 60-baby 1-bóligi negizinde barlyǵy 11 jylǵa bas bostandyǵynan aıyrý jazasy taǵaıyndaldy", dep habarlady Pavlodar qalasynyń baspasóz qyzmeti.
Sot sonymen birge sottalýshyny jábirlenýshige moraldyq zııan keltirgeni úshin eki mıllıon teńge ótemaqy tóleýge mindettedi.
Sottyń baspasóz qyzmeti habarlaǵandaı, úkim zańdy kúshine engen joq.
Esterińizge sala keteıik, Pavlodar qalasynyń 26 jastaǵy turǵynyna qatygezdikpen qııanat jasaý týraly aqparatty «NeMolchı» qory jarııalaǵan bolatyn. Ótken jyldyń 11 qazanynda júkti áıel dúkenge barǵan sátinde, ony birge páter jaldap turǵan 24 jastaǵy tanysy urlap áketkeni týraly habarlandy.
Jábirlenýshiniń aıtýynsha, er adam ony birneshe kún boıy ustap, jaldamaly páterden ekinshi páterge jetkizip, uryp-soǵyp, zorlaǵan. 12 qazanda áıel ózin bosatyp, jedel járdem shaqyrýǵa úlgergen, biraq ol ony aýrýhanaǵa kirer aldynda jedel járdem kóliginen urlap ketken.
14 qazanǵa qaraǵan túni shýdy estigen kórshileri ýchaskelik polıııa qyzmetkerin shaqyryp, olar polıııaǵa jetkizildi. Alaıda soqqyǵa jyǵylǵan pavlodarlyq áıel óziniń súıiktisinen jeti aılyq júktiligi bar ekenin aıtyp, proessten bas tartqan bolatyn.
"Adyrna" ulttyq portaly
