Qazaqstanda kolledjde bilim alýshylar sany artqan. Onyń sebebi, Prezıdenttiń tapsyrmasy aıasynda 2025 jylǵa deıin memlekettik tapsyrystyń 70%-y tehnıkalyq mamandyqtardyń úlesine berilýi. Sondyqtanda búginde tehnıkalyq jáne kásiptik bilim berý úrdisine basymdyq berilýde.
Máselen, bıylǵy jyly dál osy baǵytta 183 myńnan astam adam oqýǵa túsken, olardyń 125 myńy grant ıegeri atanǵan jaıy bar. Resmı derekter, bul rekordtyq kórsetkish ekenin kórsetýde. Óıtkeni, bul sandar byltyrǵymen salystyrǵanda 45 myńǵa artyq.
Jas túlekterdiń jartysynan kóbi bilim berý, qurylys, týrızm, ınjenerııa jáne qonaq úı isi mamandyǵyn meńgerýge qulyq tanytqan.
Grantqa túsýshilerdiń sanynyń kúrt artýy kvotalar tiziminiń keńeıtilýimen tikeleı baılanysty. Tarqatar bolsaq, úsh jyldan beri kópbalaly otbasylar sanatyndaǵy jan uıadan shyqqan balalar úshin 5 % sondaı-aq, tolyq emes otbasy men erekshe bilim berý qajettiligi bar balalardy tárbıelep otyrǵan otbasy balalary úshin 1% kvota qosyldy.
«Talaptyǵa nur jaýar», demekshi yntaly bilimgerdiń oqýyna kedergi joq. Onyń aıqyn dáleli, bıylǵy jylǵy qujat tapsyrýdaǵy erekshelik. Bul joly oqýǵa tapsyrýshy jan qujattaryn birden 4 birdeı kolledjdi tańdaýǵa múmkindik aldy.
Tegin oqýdyń sanynyń artýynyń taǵy bir sebebi, memlekettik tapsyrystyń talapkerdiń tańdaýyna qaraı berilýi. Bilim salasyndaǵy jańasha mehanızm «aqsha stýdenttiń sońynan eredi» qaǵıdaty boıynsha 2021 jyly bilim berýdiń ashyqtyǵy men qoljetimdiligin qamtamasyz etý maqsatynda mınıstrliktiń tapsyrmasynyń arqasynda júzege asty.
Osylaısha, talapkerdiń tańdaýy men talaby eskerildi. Sáıkesinshe, qazynadaǵy qarjy qajetti jerine jumsalyp, túlekti túletýge baǵyttalyp otyr.
