Shymkentte “Zerdeliniń” mektebi ashyldy

2070
Adyrna.kz Telegram

Shymkent qalasynda «Zerdeli» aqyl-oı damytý mektebi ashyldy. Bul týraly mektep dırektory Máýit Rysbekov óziniń feısbýk paraqshasynda habarlady, dep jazady "Adyrna" ulttyq portaly. 

"Elordadaǵy eńbek jolymdy 2008 jyly Daryndy balalarǵa arnalǵan "Zerde” mektebinen bastadym. Ol kezde "Zerde" mektebi “51-mekteptiń” 4-qabatynyń jartysynda ǵana edi. 5-11 synyptardyń ár qaısysynda eki synyptan 14 synypqa, 12-aq kabınet bar edi.  Kireberistegi dáliz (korıdor) men dırektordyń kabınetiniń aldyndaǵy dálizde parta, oryndyqtar qoıylǵan, biz sııaqty kabınet tımeı qalǵandar sol dálizde oqytatynbyz. Adamdar ótip jatady, oǵan qaraıtyn biz joq, sabaǵymyzdy óte beretinbiz. Oqýshylardyń qyzyǵýshylyǵy da erekshe edi. 300-den astam balaǵa jalǵyz bir adamdyq dárethana, muǵalimderde soǵan kezekke turady. Sondaı ortada oqytyp júrip, halyqaralyq olımpıadaǵa qanshalaǵan balalar shyǵardyq. Sol mektepten bitirgen qanshalaǵan myqty shákirtterimiz júr. Sol mekteptiń arqasynda búkil respýblıkaǵa tanyldyq. Alǵashqy dırektorym - Aıtjan Ermuhanqyzynan, onan keıingi dırektorym Quralaı Amangeldiqyzynan kóp qamqorlyq kórdim, kóp nárse úırendim. Matematık ustazdarym: Orynbasar Ájiǵalıev, Jumabıke Sharıpovna, Kúshaı Terdikbaı, Sartqoja Baıǵandardan kóp nárse úırendim, eki ýnıversıtet bitirip shyqqandaı boldym. Kúnde esep shyǵaryp taldaýshy edik. Matematıkter ǵana emes, basqada áriptesterimizdiń árbireýi bir-bir tulǵa edi. Keıin úsh qabatty shaǵyn, eski ǵımaratqa kóship barǵanda qýanǵanymyzdy aıtyp suramańyz", - deıdi ol. 

2014 jyly sol ózime ystyq "Zerde” mektebine uıqastyryp, qosymsha bilim beretin "Zerdeli" aqyl-oı damytý ortalyǵyn ashtym.


"Búgingi tańda respýblıkamyzda 20-ǵa jýyq bólimshesi bar, 6000-ǵa tarta oqýshysy bar, úlken bilim ordasyna aınaldy. Qudaıǵa shúkir, mine Shymkent qalasynan mektebimizdi ashyp jatyrmyz. Qazirgi ashylyp jatqan keremet jabdyqtalǵan, jaryq-juryq etken jeke mektepter sııaqty bolmasa da, buryn bala baqsha bolǵan mektepke saı keletin 300 balaǵa arnalǵan shaǵyn ǵımarat. Ázirge bastaýysh synyptarǵa lıenzııa aldyq. Keleshekte orta mektepti de qosamyn degen jospar bar. Matematıkalyq baǵyttaǵy matematıka men aǵylshyn tili tereńdetilip ótetin mektep bolmaqshy Alla qalasa. Aqtóbe qalasynda da mektebimiz ashylyp jatyr. Sol "Zerde" mektebi sııaqty halyqaralyq olımpıadaǵa deıin oqýshylarymyz shyǵatyn, keremet ujymy qalyptasqan eldiń erteńi ulaǵatty urpaq tárbıeleý basty maqsaty bolatyn arnaıy mektep. Shymkent qalasyndaǵy mekenjaı: Dýlatı 203/1", - dep jazdy Máýit Rysbekov. 

"Adyrna" ulttyq portaly 

Pikirler