Kenjeǧūl Seiıtjan: «Közı körmeitın balalardy damytu maqsatym. Olardyŋ külgenı men üşın quanyş»

Kışkentaiynan köru mümkındıgınen aiyrylǧan Kınjeǧūl Seiıtjan bügınde köpke ülgı. Öitkenı,  közı körmese de, kökıregı oiau. Ömırge degen qūlşynysynyŋ arqasynda sporttyŋ bırneşe türımen ainalysyp, olimpiada chempiony atanyp otyr. «Adyrna» ūlttyq portalynyŋ tılşısı Kenjeǧūl Seitjanmen tıldesıp, ömırge qūştarlyǧynyŋ qūpiiasyn sūrap bıldı. Kenjeǧūl Seiıtjan –  Qostanai oblysy Amankeldı audanynda düniege kelgen. Otbasyndaǧy 20 balanyŋ kenjesı. 16 äpkesı men 3 aǧasy bar. Kışkentaiynan qos janarynan aiyrylǧanymen, eşqaşan jıgerı mūqalmaǧan. Ärdaiym alǧa ūmtylyp, joǧary nätijeler körsetude. Mekteptı de, joǧary oqu ornyn da qyzylǧa bıtırıp, qatarlarynyŋ aldy bolyp otyr.

«Mekteptı 2003 jyly qyzyl atatestatpen bıtırdım. 2007 jyly Qazaq Ūlttyq Universitetınıŋ tarih fakultetın qyzyl diplommen bıtırdım. Odan keiın Japoniiada «Äleumettık liderler» baǧdarlamasynda jäne Amerikada, Angliiada oqydym. Bılım aludan jalyqpaimyn. Ärdaiym jaŋa ızdenıstı qajet etıp tūramyn»,- deidı ol.

Kenjeǧūl sportty da qatar alyp, türlı saiystarǧa qatysyp jür. Ol qazır käsıbi türde 2 sport türımen ainalysady. Bırınşısı – golbol. Onymen 2016 jyldan berı şūǧyldanyp, 2020 jyly Qazaqstan ūlttyq komandasynyŋ müşesı boldy. Sondai-aq, golboldan Qazaqstannyŋ bırneşe dürkın chempiony.

 «Ekınşı ainalysatyn sport türım – paravelo sporty. Qazaqstannyŋ 2 dürkın chempionymyn. Resmi türde 2022 jyldan bastap Qazaqstannyŋ osy paravelo sportynyŋ ūlttyq komandasynyŋ müşesımın.  Salauatty ömır saltyn nasihattaityn ekı ūiym qūrǧanbyz. Ol Qazaqstan golbol federasiiasy. Osy sport türın damytu üşın qūrǧanbyz. Sondai-aq, är türlı ıs-şaralar ūiymdastyryp tūramyz. Qazır de öz jūmysyn jasap keledı.  Osy ekı federasiiadan da, äleumettık jaǧynan da, salauattyq ömır jaǧynan da, barlyǧynan qolymnan kelgenşe aianbai qyzmet etuge tyrysamyn. Közı körmeitın balalarǧa, jastarǧa aqparat berıp, olardy sportqa tartyp, damytu maqsatym», - deidı sportşy.

Velosport pen golboldan bölek, Kenjeǧūl tauǧa örleuden Qazaqstannyŋ chempiony.

 Özge tıldıŋ bärın bıl, öz tılıŋdı qūrmette!

Kenjeǧūl – 8 qyrly. Sporttyŋ bırneşe türın üirenıp qana qoimai, bırneşe tıldı de meŋgergen. Qazaq tılınen bölek, orys, aǧylşyn, nemıs, japon, türık tılderıne jetık.

«Qazır bırneşe tıldı meŋgeruge talpynyp jürmın. Öitkenı, är tıldı üirengen saiyn, jaŋa adam bolyp qalyptasasyŋ. Būryn ispan tılı men fransuz tılın bıraz meŋgergenmın. Qazır ūmytynqyrap qaldym. Al nemıs tılın jaqsy tüsınemın. Ony meŋgeru üşın 9 jylym ketken. 2006 jyly Japoniiadaǧy balalar romany saiysyna qatystym. Bıraq jeŋıske jete almai qaldym. Sosyn kelesı joly mındettı türde jeŋıske jetemın dep aǧylşyn tılımen qatar, japon tılın üirenıp bastadym. Japoniiaǧa baryp kelgennen keiın, olardyŋ mädenietın, qoǧamyn körgennen keiın, sol jaqta bırneşe treningterge qatysqannan keiın  şabytym aşyla tüstı. Söitıp, tılderdı meŋgeruge degen yntam da aşyldy», - deidı poliglot Kenjeǧūl.

Kenjeǧüldyŋ aituynşa, tıldı meŋgeru üşın qorqynyşty jeŋu qajet.

«Tıldı üirenemın degen adamdarǧa aitarym eşqaşan qoryqpau kerek. Menıŋ qolymnan kelmeidı» degen sözdı miyŋyzdan alyp tastaŋyz. Barlyǧynyŋ qolynan keledı. Tıl üirenuge degen ynta, jalyn, maqsat bolu qajet., Menıŋ 2006 jyly Japoniiaǧa oqimyn degen maqsatym, sol eldıŋ tılın meŋgerttı. Osyndai naqty maqsattar naqty nätijege jeteleidı», dep keŋesın berdı.

 

«Men hostelder käsıbımen ainalysqanmyn. Qazır toqtap tūr. Öitkenı, sporttan olimpiadalarǧa daiyndalamyn dep, köŋıl böle almai qaldym. Alaida aldaǧy uaqytta qolǧa alamyn. Sebebı, ol menıŋ otbasymmen bırıgıp bastaǧan biznesım. Jūbaiymyz ekeumızdıŋ ol käsıpke äjeptäuır eŋbegımız sıŋdı. Sondyqtan aitarm, ärdaiym, özıŋızdı jan-jaqtan synap körıŋız. Adam talpynsa barlyǧyn jasai alady», - deidı Kenjeǧūl.

Keiıpkerımızdıŋ aituynşa, qazır mümkındıgı şekteulı jandarǧa barlyq mümkındık jasalǧan. Tek ony paidalana alu qajet.

«Elımızde mümkındıgı şekteulı adamdarǧa barlyq jaǧdai jasalǧan. Mümkındıgım şekteulı eken dep qūr qarap otyruǧa bolmaidy. Qazır sportty da, bılımdı de tegın aluǧa bolady. Arnaiy közı körmeitınderge arnalǧan tehnologiialardy ükımet beredı. Äleumettık kömek arqyly şipajaiǧa da bara alady. Qazır 12 müşesı sau, bıraq özderın şekteitın qanşama adamdy köremız. Olarǧa berılgen mümkındıktı jai ǧana ysyryp tastap jür. Aitarym: äreket etıŋızder, ärekettıŋ bır bereketı bolar sözsız», dep jıgerge toly sözderın aitty.

Kenjeǧūldyŋ är uaqyty josparly. Uaqytyn baǧalaityn keiıpkerımız tıptı, aldaǧy 10 jyldyǧyn da josparlap qoiǧan.

«Qazır densaulyǧydy kütıp jürmyn. 6 ai saiyn därıgerlerge tekserılıp tūramyn. Sebebı, menıŋ denım sau bolsa, sportta jaqsy nätijeler körsetıp, elımızdıŋ atyn älemge tanyta alamyn.  Qolymnan kelgenşe uaqytymdy eseptep, josparlaimyn. Aptasyna 4-5 audiokıtap tyŋdaimyn. Tılderdı ūmytyp qalmas üşın, är tılde audiokıtaptar tyŋdaǧan yŋǧaily. Men özımdı 10-20 jyldan keiın ülken korporasiianyŋ iesı retınde sezınemın. Qazır soŋǧy 6 jylǧa qoiǧan maqsatym – paravelo sportynan älem  chempiony, Aziia chempiony bolu. Sol üşın qazır aianbai eŋbek etudemın», -  deidı keiıpkerımız.

Foto: jūbaiymen  40 jastaǧy Kenjeǧūl qazır bır qyz, bır ūl tärbielep otyr. Otbasynyŋ tıregı bolǧan ol balalarynyŋ da özınen ülgı alǧanyn qalaidy. Sondyqtan ärdaiym ülgılı äke boluǧa tyrysamyn deidı.

«Maǧan ata-anam kışkentaiymnan: «özıŋdı ǧana oilama, elıŋnıŋ jaǧdaiyn oila!» dep ösırdı. Sondyqtan mümkındıgı şekteulı jandarǧa barlyǧyn üiretkım keledı. Keibıreulerı qoǧammen aralasa almaidy. Tıptı, köp aşyla bermeitındıkten mümkındıkterden aiyrylyp jatady. Sol sebepten bärıne kömektesu üşın jūmys ıstep jürmyın. Qajet jerde qūqyǧyn qorǧap beremın. Olardyŋ jymiǧany men üşın quanyş.  Golboldan nemese basqa sport türınen balalar kelıp, «bızge sportpen ainalysqan ūnaidy, jaǧdai jasaǧanyŋyz üşın rahmet» dese, ışımde jylu paida bolady.  Menıŋ jasap jatqan ısım jai emes ekenın körgen kezde qanattanamyn. Balaşa mäz bolyp, ömırge qūştarlyǧym artyp ketedı», dep sözın qorytyndylady.

Dana Nūrmūhanbet

«Adyrna» ūlttyq portaly