Búgin Syr elinde 1000-ǵa jýyq pedagogtyń qatysýymen oblystyq Tamyz keńesi ótkizilip, bilim salasynyń ózekti máseleleri qaralyp, úzdik ustazdar marapat minberinen kórindi.
Alqaly jıynǵa oblys ákimi Nurlybek Nálibaev, oqý-aǵartý vıe-mınıstri Ǵanı Beısembaev, QR Parlament Senatynyń depýtattary Murat Baqtııaruly, Aqmaral Álnazarova, Máslıhat depýtattary jáne sala ardagerleri, mektep dırektorlary men ustazdar qatysty.
«Bilimdi ult: tereń bilim, eńbekqorlyq jáne otanshyldyq qasıet» taqyrybynda ótken pedagogter keńesinde Nurlybek Nálibaev "bilim - basty qundylyq, memleket árdaıym ustazdarǵa laıyqty deńgeıde qoldaý sharalaryn júrgizetinin" jetkizdi.
- Prezıdent bastamasymen sońǵy jyldary bilim salasynda aýqymdy reformalar júzege asyrylyp, pedagog mártebesin kóterýde tyń bastamalar qolǵa alyndy. Bul óz kezeginde ustazdarǵa degen aıryqsha qurmet, bilim salasyna jasaǵan erekshe qamqorlyq.
Aımaqtaǵy demografııalyq ósimdi eskere kele, aldaǵy 3 jylda aımaqta 20 memlekettik mekteptiń irgetasyn qalaımyz. Búgingi kúni demeýshilerdiń óz qarajatyna salynǵan jeke mektepterdiń jelisi 20-ǵa jetti. Aldaǵy jyldary ınvestor esebinen taǵy 12 mektep salynatyn bolady. Al, bıyldyń ózinde oblysta 6 jańa mektep boı kóteredi, onyń 2-eýin keler aıda, qalǵan 4-eýin jyl sońyna deıin paıdalanýǵa beremiz. Al, aımaqtaǵy 6 mekteptiń úsh aýysymǵa ótý qaýpi bar, al 4 apatty dep tanylǵan 3 mekteptiń máselesi bıyl sheshimin taptyq. Onyń ekeýin qyrkúıekte tabystaımyz.
Oryn tapshylyǵy jaǵdaıynyń aldyn alý úshin jyl aıaǵyna deıin 1,6 mlrd.teńge kóleminde qaladaǵy Abaı mektebine 550, №101 mektepke 375 orynǵa laıyqtalǵan qosymsha qurylys salynatyn bolady. Osy arqyly kóp jyldardan beri sheshimin tappaǵan bul mekteptegi úshaýysymǵa aýysý qaýpindegi másele túbegeıli sheshiledi,-dedi N.Nálibaev.
Konferenııada sóz alǵan spıkerler bilim salasyndaǵy sońǵy ózgeristerge toqtalyp, daryndy balalardy qoldaý, bilim berýdiń ortaq máselelerin talqyǵa salyp, ıdeıalarymen bólisti.
Vıe-mınıstr Ǵanı Beısembaev ózgerister zamanynda bilim berý salasynyń damý qarqynyna ilesý úshin ustazdardyń ádistemesi de jańaryp otyrý qajet ekenin alǵa tartyp, oqý jylyna enetin ózgeristerge toqtaldy. Al, Senat depýtaty Murat Baqtııaruly oqýlyqtar máselesin shyǵarý, kolledjderde maman daıarlaý máselesin qozǵady.
Pedagogter jıynda alǵash ret halyqtyń qurmetine bólengen qos ardager ustaz Tólepbergen Qasymov pen Mark Podolskııge Qyzylorda oblysynyń «Qurmetti azamaty» ataǵy berildi.
Toqsannyń tórine shyqqan qos ustazǵa aımaq basshysy iltıpat bildirip, eń joǵary marapatty tabys etti.
Mereıli kúndegi eń mańyzdy sáttiń birinde oblys ákimi Nurlybek Nálibaev 2,5 jastaǵy sábıdi káriz qudyǵynan qutqarǵan 15 jastaǵy Arman Amanjolovqa erekshe alǵys bildirip, demeýshilermen birge eki bólmeli páter kiltin tabystady.
Sondaı-aq, jyl saıyn ótkiziletin konkýrs nátıjesinde úzdik bilim berý granty aýyl mektebine buıyryp, Uzaqbaı Qaramanov atyndaǵy №262 mektebi 34 mln.teńgeniń sertıfıkatyn jeńip aldy.
Jıynda oblys ákiminiń grantyn ıelengen 100 oqýshynyń birqataryna grantyn tabystady. Óńir basshysy úlken ómirge qadam basqan jastarǵa senim bildirip, tereń bilim alýǵa shaqyrdy.
Ustazdardyń tól jıynynda eńbegimen kózge túsip, úzdik shákirtterimen tanylǵan 3 muǵalim «Y.Altynsarın» tósbelgisimen, 2 azamatqa Bilim berý isiniń Qurmetti qyzmetkeri» tósbelgisi taǵyldy. Munan bólek, «Eńbek ardageri», «Meıirim» tósbelgisiniń ıegeri anyqtalyp, 5 muǵalimge oblys ákiminiń Alǵys haty berildi.
