Qyrǧyzstanda ötıp jatqan Euraziialyq ükımetaralyq keŋes otyrysy alaŋynda QR premer-ministrı Älihan Smaiylov RF Ükımetınıŋ töraǧasy Mihail Mişustinmen kezdesu ötkızdı. Būl turaly QR Ükımetınıŋ baspasöz qyzmetı mälımdedı, dep habarlaidy "Adyrna" ūlttyq portaly.
Kezdesude Älihan Smaiylov Qazaqstan men Resei yntymaqtastyǧynyŋ nyǧaiuyna joǧary deŋgeidegı tūraqty kezdesulerdıŋ serpın berıp otyrǧanyn, sondai-aq ekı el arasyndaǧy memleketaralyq bailanystar barlyq baǧyttar boiynşa özara ıs-qimyldyŋ joǧary deŋgeiıne köterılgenın atap öttı.
Sondai-aq, ol ötken 30 jyl ışınde memleketter arasynda senımdı jäne syndarly dialog ornatylǧanyn da aita kettı.
"Resei – bızdıŋ sauda-ekonomikalyq serıktesımız. 2021 jyldyŋ qorytyndysy boiynşa özara tauar ainalymy üşten bırge ösıp, $24,2 mlrd kölemınde rekordtyq körsetkışke qol jetkızdık. 2022 jyldyŋ bırınşı jartyjyldyǧynda da sauda 5%-ǧa artty. Jyl qorytyndysy boiynşa oŋ qarqyn saqtalyp, damitynyna senım artamyz", – dedı Smaiylov.Al Mihail Mişustin Reseidıŋ Qazaqstanmen tatu körşılıgı men dostyǧyn baǧalaitynyn aitty.
"Bız importty almastyru boiynşa bırlesken baǧdarlamalardy jüzege asyrudyŋ jaqsy perspektivalaryn körıp otyrmyz. Önerkäsıp, energetika, maşina jasau, kölık infraqūrylymy, beibıt atom, sifrlandyru siiaqty salalarda jaŋa strategiialyq jobalardy ıske qosu üşın mümkındıkter bar. Atalǧan mäseleler bızdıŋ tūraqty nazarymyzda", – dedı Mihail Mişustin.Ekı tarap kelıssöz barysynda önerkäsıp önımderın jetkızu jäne sauda-sattyq mäselelerın talqylady Kelıssöz barysynda taraptar önerkäsıptık kooperasiiaǧa qajettı önımderdı jetkızu, qazaqstandyq şikızat tranzitı, sondai-aq tauarlardy kedergısız şyǧaru mäselelerın talqylady.
"Adyrna" ūlttyq portaly
Ūqsas jaŋalyqtar
