Qyrǵyzstanda ótip jatqan Eýrazııalyq úkimetaralyq keńes otyrysy alańynda QR premer-mınıstri Álıhan Smaıylov RF Úkimetiniń tóraǵasy Mıhaıl Mıshýstınmen kezdesý ótkizdi. Bul týraly QR Úkimetiniń baspasóz qyzmeti málimdedi, dep habarlaıdy "Adyrna" ulttyq portaly.
Kezdesýde Álıhan Smaıylov Qazaqstan men Reseı yntymaqtastyǵynyń nyǵaıýyna joǵary deńgeıdegi turaqty kezdesýlerdiń serpin berip otyrǵanyn, sondaı-aq eki el arasyndaǵy memleketaralyq baılanystar barlyq baǵyttar boıynsha ózara is-qımyldyń joǵary deńgeıine kóterilgenin atap ótti.
Sondaı-aq, ol ótken 30 jyl ishinde memleketter arasynda senimdi jáne syndarly dıalog ornatylǵanyn da aıta ketti.
"Reseı – bizdiń saýda-ekonomıkalyq seriktesimiz. 2021 jyldyń qorytyndysy boıynsha ózara taýar aınalymy úshten birge ósip, $24,2 mlrd kóleminde rekordtyq kórsetkishke qol jetkizdik. 2022 jyldyń birinshi jartyjyldyǵynda da saýda 5%-ǵa artty. Jyl qorytyndysy boıynsha oń qarqyn saqtalyp, damıtynyna senim artamyz", – dedi Smaıylov.
Al Mıhaıl Mıshýstın Reseıdiń Qazaqstanmen tatý kórshiligi men dostyǵyn baǵalaıtynyn aıtty.
"Biz ımportty almastyrý boıynsha birlesken baǵdarlamalardy júzege asyrýdyń jaqsy perspektıvalaryn kórip otyrmyz. Ónerkásip, energetıka, mashına jasaý, kólik ınfraqurylymy, beıbit atom, ıfrlandyrý sııaqty salalarda jańa strategııalyq jobalardy iske qosý úshin múmkindikter bar. Atalǵan máseleler bizdiń turaqty nazarymyzda", – dedi Mıhaıl Mıshýstın.
Eki tarap kelissóz barysynda ónerkásip ónimderin jetkizý jáne saýda-sattyq máselelerin talqylady Kelissóz barysynda taraptar ónerkásiptik kooperaııaǵa qajetti ónimderdi jetkizý, qazaqstandyq shıkizat tranzıti, sondaı-aq taýarlardy kedergisiz shyǵarý máselelerin talqylady.
"Adyrna" ulttyq portaly
