Qazaqstandyqtarǵa Bangladesh Halyq Respýblıkasyna barmaýǵa keńes beriledi, dep habarlaıdy “Adyrna” ulttyq portaly QR Syrtqy ister mınıstrliginiń baspasóz qyzmetine siltep.
«Bangladesh Halyq Respýblıkasynda qalyptasqan jaǵdaıǵa baılanysty Qazaqstan Respýblıkasynyń Syrtqy ister mınıstrligi Qazaqstan Respýblıkasynyń azamattaryna jaǵdaı turaqtalǵanǵa deıin bul elge barýdan ýaqytsha bas tartýdy usynady», - delingen habarlamada.
Úndistandaǵy Qazaqstan elshiligi qazirgi ýaqytta Bangladeshte júrgen Qazaqstan azamattaryn asa qajet bolmasa turǵylyqty jerinen shyqpaýdy, kúsheıtilgen qaýipsizdik sharalaryn saqtaýdy, qyraǵylyq pen saqtyq tanytýdy, jańalyqtardy qadaǵalap, bıliktiń usynystaryn oryndaýdy, sondaı-aq memlekettik organdarmen baılanysta bolýdy suraıdy.
Qosymsha jáne ýaqtyly aqparat alý úshin Bangladeshte ornalasqan Qazaqstan Respýblıkasynyń azamattary men olardyń Qazaqstandaǵy týystary úshin shuǵyl baılanys jelileri ashylǵany habarlandy.
Eske sala keteıik, Bangladeshte stýdentter narazylyǵy kóteriliske ulasyp, qazirgi tańda 135 adam qaza tapty.
