Talǵar qalasyndaǵy №25 mektep qazaq-orys tilderinde bilim beretin boldy. Bul týraly jýrnalıst Qaragóz Simádil jazdy, dep habarlaıdy «Adyrna» tilshisi.
Aıtýynsha, buǵan deıin bilim basqarmasy mekeme qazaq mektebi bolady dep ýáde bergen.
«Sóz basqa, is basqa bolyp tur. Bala sany jetpeıdi degen syltaý aıtyldy. 889 qazaq oqýshynyń ata-anasynyń ótinishi men deregi jınaldy. Májilis depýtattary Qazybek Isa, Janarbek Áshimjan dál osy mektepke qatysty mán-jaıdan habardar.
Endi mine, oqý jyly bastalar shaqta qazaq mektebi báribir aralas bolaıyn dep tur.
Talǵar aýdandyq bilim bólimi paraqshasyna 25 mektepke orys tilinde sabaq beretin muǵalimderge bos orynǵa habarlama berip, ony óshirip úlgerdi.
Almaty oblysy ákiminiń baspasóz hatshysy Ǵalmurat Júkelge máseleniń mán-jaıyn bilgimiz kelip habarlasyp edik, jınalysta otyr eken. «Qazir bárin anyqtap sizge habarlasamyn», – degen. Sirá, jınalysy áli bitpegen bolar, telefonyn almaı tur. Osy mekteptiń qazaq tilinde ashylýyna qatysty máseleniń basy-qasynda júrgen tulǵalarmen keń áńgimelesip, tolyq jarııalaımyn.
Al, sonymen júgir, jınalys jasa, sózińdi resmı negizde, báribir, aýdandyq ákimdik jáne múmkin oblys ákiminiń ózi (naqty derekti kimnen anyqtarymyzdy suraıtyn adam telefonyn almaǵandyqtan, osylaı boljamdaýǵa májbúrmiz) qazaq mektebi bolaıyn dep turǵan mekemeni aralas qylyp tynbaqshy»,– dedi ol.
