Aımaq basshysy Nurjan Nurjigitovtiń tóraǵalyǵymen ótken keńeste óńirde jaıylymdyq jerlerdiń tapshylyǵyn tómendetý, aýyl halqynyń tabysyn arttyrý boıynsha pılottyq jobany iske asyrý, mal sharýashylyǵyn damytý máseleleri qaraldy. Jıynǵa beınekonferenııa baılanysy rejıminde aýdan ákimderi de qatysty.
Keńes barysynda Nurjan Moldııaruly Memleket basshysynyń tapsyrmasyn oryndaý maqsatynda aýyl sharýashylyǵy maqsatyndaǵy jerlerdi paıdalanýdyń tıimdiligine kezeń-kezeńmen taldaý júrgizý, sondaı-aq árbir aýyldyq okrýg boıynsha aýyl sharýashylyǵy jerleriniń kartasyn ázirleý boıynsha mindetter qoıdy. Aýdan ákimderine jaıylym tapshylyǵy máselesin sheshý úshin bes negizgi baǵyt boıynsha sharalar qabyldaý júkteldi.
Jıynda aldymen oblys ákimdigi jer qatynastary basqarmasynyń basshysy Baqtııar Kópbosynov aǵymdaǵy jaǵdaı men bıylǵy jylǵa arnalǵan josparlar týraly baıandady.
- Birinshi baǵyt-eldi mekenderden tys ornalasqan mal jaıý jerlerin aýyldyq okrýgterge bekitý qajettigi. Jyl sońyna deıin aýyldyq okrýgterge 106,9 myń gektar jer berý josparlanyp otyr. Búgingi tańda tek Jambyl aýdanynda 706 gektar jer berildi.
Ekinshi baǵyt - aýyldardan bes shaqyrym radıýsta ornalasqan jaıylymdyq jerlerdi memlekettik menshigine qaıtarý. Jospar boıynsha – 165,6 myń gektar bolsa, 6 aıdyń qorytyndysymen - 5,0 myń gektar qaıtaryldy.
Úshinshi baǵyt - orman qory jerlerinde ornalasqan jaıylymdardy paıdalaný. Ázirge tek 132 adam 112,1 myń gektar jerdi ıelendi.
Tórtinshi baǵyt - jer paıdalanýshylarmen memorandýmǵa qol qoıý. Soǵan sáıkes, olar mal jaıýǵa kedergi jasamaýǵa mindetteledi. Búgingi tańda 2071 turǵynmen 487 myń gektar jerdi paıdalaný týraly kelisimge qol jetkizildi.
Besinshi baǵyt - paıdalanylmaıtyn aýyl sharýashylyǵy jerlerin aınalymǵa qaıtarý. Jalpy, 145,9 myń gektar jerdi memlekettik menshikke qaıtarý josparlanýda, 6 aı ishinde 52,6 myń gektar qaıtaryldy, - dedi B.Kópbosynov.
Alaıda, aýdandardyń barlyǵy derlik bekitilgen jospardy oryndaýda selqostyq tanytqan.
Aımaq basshysy aýdan ákimderine qatań talap qoıyp, buryn berilgen tapsyrmalardy oryndamaǵany úshin jer qatynastary basqarmasynyń, aýdan ákimdikteriniń jumysyn synǵa aldy.
- Aýdan ákimderi aýyl halqynyń tabysyn arttyrý boıynsha pılottyq jobanyń kólemin ulǵaıtýdy suraıdy. Árıne, jobany iske asyrý nátıjesinde mal basy ósetini barshaǵa túsinikti. Eger sizder jaıylym máselesin sheshpeseńizder, bul maldy qaıda jaıýǵa nıettisizder? Naqty jospar bar, ádisteme túsindirildi, kún saıyn osy máselelerge ýaqyt bólý qajet. Biz muny talqylap jatqanymyzǵa bir jyl boldy. Bul iske bilek sybana kirisetin kez keldi. Biz onsyzda buǵan kóp ýaqytymyzdy joǵalttyq, - degen Nurjan Nurjigitov ádisnamany ózgertpeı, bes baǵyt boıynsha jumysty sapaly jáne ýaqtyly júrgizýdi talap etti.
Óńir basshysy jyl sońyna deıin bekitilgen jospar eshqandaı sebepsiz tolyǵymen oryndalýy kerek ekenin eske salyp, jer qatynastary basqarmasy men jer ınspekııasy tapsyrmalardyń oryndalýyn qatań baqylaýǵa alýy tıis ekendigin qadap aıtty.
Basqosý barysynda sondaı-aq aýyl sharýashylyǵy, veterınarııa basqarmalaryna, aýdan ákimdikterine mal sharýashylyǵyn damytý máselesi boıynsha syn-eskertpeler de aıtyldy. Qazirgi tańda memleket tarapynan IQM analyq basyn qoldan uryqtandyrý boıynsha kórsetiletin qyzmetter sýbsıdııalanady. Dese de, bul baǵytta jergilikti deńgeıde júıeli jumys jolǵa qoıylmaǵan.
- Jaýapty tulǵalar aýyl turǵyndaryna osy sýbsıdııalardy alýǵa nelikten kómektespeıdi? Maldy jasandy uryqtandyrý fermalardyń ónimdiligin arttyrýǵa kómektesedi. Sonymen qatar, veterınarııalyq-sanıtarııalyq ál-aýqatqa áser etedi. Pılottyq joba iske asyrylyp jatqan barlyq okrýgterde bul jumysty tolyq kólemde júrgizý qajet. Sýbsıdııalardy aýyl sharýashylyǵy kooperatıvteri alatyny belgili. Eger ákimder bastama kóterip, basqa aýyldyq okrýgterde kooperatıvter qursa, biz ony qoldaımyz. Biz qoǵamnyń ıgiligi úshin qyzmet etemiz. Halyqtyń tabysyn arttyrý týraly kez kelgen múmkindikti paıdalaný mańyzdy. Memlekettiń kómegi aýyldaǵy árbir otbasyǵa jetýi tıis, - dedi Nurjan Nurjigitov.
Aımaq basshysy keńes qorytyndysynda oblys ákimdigi jer qatynastary, aýyl sharýashylyǵy basqarmalarynyń basshylaryna eskertý jasady. Aıta keteıik, dál osy máseleler bir jetiden soń qaıta qaralmaq.
