Memleket basşysy Qasym-Jomart Toqaevtyŋ tapsyrmasymen Jambyl oblysyndaǧy rezidensiia ǧimaraty «Möldır būlaq» oqu-sauyqtyru ortalyǧy bolyp qaita aşyldy.
Balalar igılıgıne negızdelgen ortalyqtyŋ saltanatty aşyluyna köpşılıkpen bırge Jambyl oblysynyŋ äkımı Nūrjan Nūrjıgıtov, QR oqu-aǧartu ministrlıgı balalardyŋ qūqyqtaryn qorǧau komitetı töraǧasynyŋ orynbasary Batyrhan Joldas qatysyp, öz qūttyqtaularyn bıldırdı.
Qonaqtar aldymen ortalyqtyŋ alleiasynda äzırlengen balalardyŋ qolöner, suret körmelerımen tanysyp, türlı sporttyq şaralaryn jäne konserttık baǧdarlamalaryn tamaşalady.
Oblys äkımı öz sözınde el erteŋı – bügıngı balalarǧa barynşa köŋıl bölu, qoldau, jaǧdai jasau – memleket saiasatynyŋ basym baǧyttarynyŋ bırı ekendıgın atap öttı.
- El Prezidentınıŋ «Ädılettı Qazaqstan: bärımız jäne ärqaisymyz üşın. Qazır jäne ärdaiym» sailaualdy baǧdarlamasyn ıske asyru maqsatynda oblysymyzda auqymdy jūmystar atqaryluda. Baǧdarlamada respublika boiynşa «50 balalar sauyqtyru lagerın qūru» mındetı közdelgen.
Osy oraida, Memleket basşysy 5 öŋırdegı rezidensiiany balalardyŋ igılıgıne berudı tapsyrǧan bolatyn. Atalǧan tapsyrma aiasynda bügın mıne «Möldır būlaq» oqu-sauyqtyru ortalyǧynyŋ aşylu saltanatynyŋ kuä bolyp otyrmyz.
Nysan – jyl boiy jūmys jürgızetın aimaqtaǧy alǧaşqy oqu-sauyqtyru ortalyǧy.
Balalar būl ortalyqqa jaz mezgılınde 12 kündık, basqa kezeŋderde 24 kündık sauyqtyrumen qamtylatyn bolady.
Būl bastama – memleket tarapynan balalardyŋ bolaşaǧy üşın jasaǧan qamqorlyǧy.
Balalardyŋ bolaşaǧy men densaulyǧy – memleket üşın negızgı basymdyqtardyŋ bırı. Bolaǧaşaǧynan ümıt küttıretın balalardyŋ bırqatary osy ortalyqtyŋ alǧaşqy qarlyǧaştary atanǧaly tūr dep senemın.
Barşaŋyzdy bügıngı quanyşty sätpen şyn jürekten qūttyqtaimyn,-dedı Nūrjan Nūrjıgıtov.
Öz kezegınde QR oqu-aǧartu ministrlıgı balalardyŋ qūqyqtaryn qorǧau komitetı töraǧasynyŋ orynbasary Batyrhan Joldas, oblystyq ata-analar qoǧamdyq keŋesınıŋ töraǧasy Rinat Nūraqbaev ta ızgı lebızın jetkızdı.
Būdan soŋ köpşılık nazaryna konserttık baǧdarlama ūsynylyp, «Möldır-būlaq» oqu-sauyqtyru lagerınıŋ tuy köterıldı. Qonaqtar ortalyqty aralap, jaǧdaiymen tanysty.
Aita keteiık, aumaǧy 10 gektardy qūraityn ortalyqta balalardyŋ demalysy üşın barlyq jaǧdai jasalynǧan. Atap aitqanda, zamanaui qūral-jabdyqtarmen qamtylǧan oqu kabinetterı, sport alaŋşalary men üiırme bölmelerı, 5 mezgıl ystyq tamaqpen qamtamasyz etıletın arnaiy ashana qarastyrylǧan.
Sondai-aq, ortalyq aumaǧynda balalardyŋ seruendep, tynys aluyna arnalǧan şaǧyn toǧai bar.
Lagerdıŋ är kezeŋınde Taraz qalasy men 10 audannyŋ besınşı jäne toǧyzynşy synyp aralyǧyndaǧy 50 oquşydan demalady. Onyŋ ışınde, inkliuzivtı balalarǧa da airyqşa nazar audarylady.
Balalar būl ortalyqta jaz mezgılınde 12 kündık, basqa kezeŋderde 24 kündık sauyqtyrumen qamtylady.
Jalpy, biylǧy jaz mezgılınde oblystaǧy 9 sauyqtyru lagerınde 9 014 bala demaluda.
