Almaty oblysy Jambyl aýdanyndaǵy saýyqtyrý ornynda «balamdy uryp-soqty» degen ana ádildik izdep shý shyǵardy. Aıtýynsha, demalys ornyndaǵy sanıtarlyq talap óz aldyna, tipti sondaǵy tárbıeshiler jasóspirimge ses kórsetip, ózge balalarǵa ulyn urǵyzǵan. Sonyń saldarynan Muhametálı Bazarǵalıdyń mıy shaıqalypty. Ol qazir balalar aýrýhanasynda emdelip jatyr, dep jazady "Adyrna" ulttyq portaly KTK arnasyna silteme jasap.
Daý shyqqan mekemege jetken aýdannyń sheneýnikteri men sanıtar mamandary tekseristi bastamaqshy. Úsh balanyń anasy Sandýǵash Sultan qazir ádildik izdep júr. Osydan bir apta buryn ulyna lagerge joldama berilgende dál bulaı aýrýhanadan bir-aq shyǵamyz dep oılamadym deıdi. 14-tamyz kúni Jambyl aýdanyndaǵy «Taýlend» demalys ornyna ketken uly úsh kún ótpesten úıine áketýin ótinip jylaǵan.
«17-si kúni keshki saǵat bes jarymda balam telefon soqty, bóten nómirden habarlasty. «Anashym» dep menimen qoshtasty. «Búgin meniń sońǵy ómirim, osymen bári bitti», - dedi. Endi bala anaǵa habarlasqan kezde «neni» dep edim. «Anashym, búgin meni alyp ketińizshi» - dep ótindi. Balamdy kórgen kezdegi jaǵdaıdy sózben aıtyp jetkize almaımyn. Balanyń jaǵdaıy óte nashar boldy. Bala álsiz. Kúshi joq. Kózi degen jasqa toly», - deıdi M.Bazarǵalıdyń anasy Sandýǵash Sultan.
Osylaısha kelinshek ulyn demalys ornynan keshqurym áreń alyp shyqqan. Sodan keıin ǵana Muhametqalı anasyna ishtegi jaǵdaıdy búge-shúgesine deıin baıandaǵan.
«Balaǵa tamaq bermegen. Bireýdiń qaldyq tamaǵyn ishkizgen. Ishi las, kir. Eshqandaı jaǵdaı joq dedi. Shaǵymdanatyn bolsaq, bizdi urdy dedi. Jetekshileri ózderi urmaı, balalarǵa bizdi urǵyzdy dedi. Balalar meni sol sebepten urdy», - deıdi anasy.
Artynsha lager men ákimdik qyzmetkerleri bala men anany sol aýdandaǵy aýrýhanaǵa aparǵan. Alaıda Muhametálıdi tekserip, «túk tappadyq» degen aq halattylar olardy keri qaıtarypty. Biraq Sandýǵash túndeletip bolsyn, ózi turatyn aýdandaǵy aımaqtyq balalar aýrýhanasyna jetkizgen. Mundaǵy dárigerler Muhametálıdiń soqqy alyp, taıaq jegenin rastap otyr.
«Bizge bala 18 tamyzda túsken. Bazarǵalı Muhametálı. 12 jastaǵy bala. Túskendegi jalpy jaǵdaıy ortasha. Bas jaraqatyn alǵan. Mıy shaıqalǵan. Denesinde soǵylǵan jaraqattar bar. Biz ol balany dıagnostıka jasap, qazir bala emdelip jatyr. Búginde balanyń jalpy jaǵdaıy qalypty», - dedi Almaty aımaǵy balalar aýrýhanasynyń neırohırýrgi Esentaı Jańabaev.
Jambyl aýdanyndaǵy «Taýlend» saýyqtyrý ortalyǵy. Esigin jan balasyna ashpaýdy tapsyrǵan qojaıyny sol kúıi boı kórsetpedi. Al jaǵdaıdy «áleýmettik jeliden kórip keldim» degen halyq qalaýlysynyń ózi ishke kire almady. Endi bul jaǵdaıdy úkimette qozǵaımyn dep otyr.
«Ózim de, mine, kelip turmyn. Internetten estip. Depýtattyq saýal jazamyn. Búkil júıeli suraq. Sebebi, tek Qarǵalydaǵy balalar lageri emes, búkil Qazaqstandaǵy lagerlerge bizdiń memlekettik tapsyrys bar bolatyn. Balalarymyz baratyn jerge baılanysty bolyp tur. Sony kóterýimiz kerek», - dedi Májilis depýtaty Álııa Ábsemetova.
Sanıtarlyq talapqa jaýap beretin mamandar Sandýǵashtyń aryzyn áli qabyldamapty. Sol sebepti olardyń da osynda kelip, ishke tekseris júrgizýge quqyǵy joq. Ol úshin joldama qujaty qolyna tıip, prokýratýradan ruqsat alý kerek eken. Al syrtta sabylyp kútken ákim orynbasarynyń ózi moratorıı jarııalanǵaly, qolymyzdan keler shara joq dedi. Qazir Sandýǵash Sultan Oblystyq polıııa men sanıtarlyq baqylaý departamentine aryz jazyp ótkizdi. "Balamdy qorlatyp qoımaımyn" degen kelinshek isti aıaǵyna deıin aparamyn dep otyr.
"Adyrna" ulttyq portaly
