Týǵan atamekenimizdi árqashan ardaqtaı bileıik - Dáýren ABAEV

7074
Adyrna.kz Telegram

Mádenıet jáne sport mınıstri Dáýren Abaev Baıanaýylǵa baryp, týrıstik jerlerimen tanysty. Bul týraly ózi facebook paraqshasyna post jazdy. 

“Baıanaýyl ulttyq parki – tabıǵaty ásem, topyraǵy tarıhqa tunǵan tańǵajaıyp jer. Kózdiń jaýyn alardaı tórt birdeı jaýhar kóli, jaqparly taýlary men jasyl jelek ormany kez kelgen adamdy ózine birden baýrap alady.

Álbette mundaı mekende dúnıege kelgen adamnyń osal bolýǵa esh haqysy joqtaı. Baıanaýyl besiginde terbelgen ǵulama ǵalymdarymyz, áýlıeli tulǵalarymyz, aqyn-jazýshylarymyz osynaý tumsa tabıǵattyń erekshe kúshimen er jetip, onyń ańyz-ápsanalaryn bala jasynan sanalaryna sińirip ósti.

Búgin biz osy topyraqqa at basyn buryp, otandyq týrızmdi damytý, ınfraqurylymdy jetildirý, sapaly qyzmet kórsetý máseleleri boıynsha jergilikti kásipkerlermen kezdestik.
Bir qýantarlyǵy, bul óńirge bıznes ókilderi erekshe qyzyǵýshylyq tanytyp, qazaqstandyqtardyń aımaqqa demalyp kelýi jyl sanap artyp keledi eken.
Sonymen qatar sapar barysynda jergilikti týrıstik aqparattyq ortalyqta boldym.

Álbette, Baıanaýyl jeri – kıeli oryndarǵa óte baı. Olardyń ishinde Qońyr áýlıe úńgirin erekshe ataǵym keldi. Ańyzdarda Qydyr atanyń mekeni delinetin qasıetti úńgir áli kúnge deıin zertteýshilerdiń nazaryn erekshe aýdaryp keledi. Búginde Qońyr áýlıege tilek tilep keletinder kóp. Eń bastysy, ol jerdiń tazalyǵyna basa mán berip, erekshe qorǵalýyn qadaǵalaýymyz qajet.

Jolshybaı «Áýlıe bulaqqa» soǵyp, ol jerdiń de erekshe energetıkasyn boıymyzǵa sińirdik.
Jalpy aıtpaǵym, bizde qoınaýy qazyna men qupııaǵa toly, tamsanyp tamashalar kórikti jerlerimiz óte kóp.

Álem týrısteri arnaıy kelip demalatyn osyndaı jerlerimizdi jıi jarnamalap, qyzmet sapasyn jetildire berýimiz kerek.

Tabıǵatyna kóz sýaryp, taǵylymyn boıymyzǵa jınap, týǵan atamekenimizdi árqashan ardaqtaı bileıik”,- dep jazdy ol paraqshasynda.

”Adyrna” ulttyq portaly

Pikirler