1 qyrkúıek - Bilim kúnine nebári eki apta ýaqyt qaldy. Aımaqta bıyl 182 myń oqýshy bilim almaq. Qyzylorda oblysynyń ákimi Nurlybek Nálibaev jańa oqý jylynda balalar esh kedergisiz bilim alýy qajet ekenin alǵa tartty. Ásirese, mektepterdegi kúrdeli jóńdeý jumystarynyń ýaqytyly aıaqtalýyn qatań baqylaýǵa aldy. Búgin aımaq basshysy birqatar nysandardy aralap, atqarylǵan jumystardy kózben kórdi.
Bıyl óńirdegi 6 mektepte kúrdeli jóńdeý jumystary júrýde. Bul úshin bıýdjetten 2,1 mlrd.teńge qarjy bólingen. №10 Y.Altynsarın atyndaǵy mektepke barǵan oblys ákimi bilim ordasynyń oqý proesine ázirligin baqylady. Aımaq basshysy jyl saıyn apatty mektepterdi joıyp, jańa mektepterdiń jelisi kóbeıtýge basymdyq beriletinin aıtty.
- Oqýshylardyń qýanyshyna eshteńe jetpeıdi. Mektepke qomaqty qarjy bólingendikten, kúrdeli jóndeý jumystary óte sapaly oryndalýy kerek. Sebebi oqý jylyna bilim berý nysandarynyń daıyndyǵy Úkimet basshysynyń tikeleı nazarynda.
Demografııalyq ósimniń nátıjesinde qalada yqsham aýdandar kóbeıip, mektepterde oryn tapshylyǵy máselesi týyndaǵany jasyryn emes. Bul rette apatty jaǵdaıdaǵy 4 mekteptiń ekeýiniń ǵımaratyn jańa oqý jylynda tabystaımyz. Toqabaı aýylyndaǵy bir apatty mektep jeke ınvestor esebinen bastaldy. Al, Qazaly aýdanyndaǵy taǵy bir mekteptiń jobalyq-smetalyq qujattary ázirlenýde.
Sondaı-aq, qala mektepterindegi oryn tapshylyǵyn joıý úshin 4 mekteptiń janynan qosymsha ǵımarat salýǵa sheshim qabyldandy. Qazirgi tańda, 2 mekteptiń joba-smetalyq qujattary aıaqtalyp, merdiger kompanııalar bekitilýde. Al, qalǵan 2 bilim uıasynyń jobalyq-smetalyq qujattamasy ázirlenýde, - dedi N.Nálibaev.
Óńir basshysy balalar jylyna tartý retinde óńirde 80 sporttyq oıyn alańdary salynatynyn jetkizdi.
Sondaı-aq, oblys ákimi aımaqtaǵy iri óndiris orny shyny zaýytyna da bardy. Ótken jyldyń jeltoqsan aıynda zaýyttyń kúıdirý peshi tehnıkalyq iske qosylǵan.
Alaıda, peshti qosý-retteý barysynda aqaýlar anyqtalyp, qajetti kúıdirý qondyrǵysyna tapsyrys berilip, jetkizildi.
Aımaq basshysy Nurlybek Nálibaevtyń tapsyrmasy negizinde zaýytty iske qosý úshin bıylǵy jyldyń 25 shildesinde arnaıy Shtab qurylǵanyn jetkizdi. Mundaǵy maqsat - zaýytty iske qosý kezinde týyndaǵan máselelerdi shuǵyl túrde sheshý.
Ákimdik óz quzyreti sheginde ınjenerlik ınfraqurylymdy jetkizip berýge jaýapty. Osy rette, zaýytqa qajetti elektrenergııa, baılanys jelisi, avtomobıl joly, sý jáne káriz júıeleri jetkizildi. Syrtqy temir jol tuıyǵy qurylysy aıaqtaldy. Endi kezekte ekinshi taraptar tehnıkalyq jáne avtorlyq baqylaý ókilderiniń bergen eskertýlerin joıý jumystaryn jedeldetýi kerek. Sebebi gaz kelgennen keıin, peshti qaıta iske qosyp, jaǵý úshin qabyldaý aktisin rásimdep, bitirýi qajet.
Óńir basshysy sala mamandarymen pikirlesip, aýqymdy zaýytty iske qosý úshin qajetti sharalardy jyldam qabyldaý kerek ekendigin jetkizdi.
- Shynyn aıtqanda, zaýytty iske qosý proesi tym uzap ketti. Bar múmkindikti paıdalanyp, zaýytty iske qosýymyz qajet. Buǵan deıin ýáde kóp berilgenimen, nátıje bolmady. Halyq asyǵa kútip otyr. Sondyqtan qalaıda óndiristi aıaqtaýǵa tıispiz. Aptasyna eki ret shtab ótkizip, ózekti máselelerdi talqylaý qajet. Bári de meniń tikeleı baqylaýymda bolady,-dedi N.Nálibaev.
Aıta keteıik, jospar boıynsha shyny zaýytynyń birinshi ónimi qazan aıynda shyǵarylmaq.
