Timur Gubaşev Jetısu oblysy äkımı baspasöz qyzmetınıŋ basşysy – baspasöz hatşysy bolyp taǧaiyndaldy, dep habarlaidy «Adyrna» tılşısı.
Ol 1994 jyly düniege kelgen. L.N.Gumilev atyndaǧy Euraziia ūlttyq universitetın jäne «Tūran-Astana» universitetın «ekı şetel tılı: aǧylşyn tılı», «Qūqyqtanu» mamandyqtary boiynşa bıtırgen.
Eŋbek jolyn Mädeniet jäne aqparat ministrlıgı Aqparat komitetınıŋ Memlekettık aqparattyq saiasatty taldau basqarmasynyŋ sarapşysy bolyp bastaǧan. Är jyldary Mädeniet jäne aqparat ministrlıgı Aqparat komitetınıŋ memlekettık aqparattyq saiasatty taldau basqarmasynyŋ bas sarapşysy, İnternet-keŋıstıktegı jäne äleumettık jelılerdegı aqparattyq jūmys basqarmasynyŋ bas sarapşysy, Densaulyq saqtau ministrlıgı Jūrtşylyqpen bailanys departamentınıŋ jūrtşylyqpen bailanys basqarmasy – baspasöz qyzmetınıŋ basşysy, Mädeniet jäne aqparat ministrlıgı Aqparat komitetınıŋ internet-keŋıstıktegı jäne äleumettık jelılerdegı aqparattyq jūmys basqarmasynyŋ basşysy, Jetısu oblysynyŋ qoǧamdyq damu basqarmasy basşysynyŋ orynbasary bolǧan.
