Respublika künı qarsaŋynda Jarma audanynyŋ Şar qalasynda kürdelı jöndeuden ötken qalalyq Mädeniet üiı paidalanuǧa berıldı. Aşylu saltanatyna oblys äkımı Berık Uäli, ziialy qauym ökılderı jäne jergılıktı tūrǧyndar qatysty.
Şar qalalyq Mädeniet üiı 1960 jyly boi köterdı. Soŋǧy ret nysanǧa 2002 jyly jöndeu jürgızılıp, syrtqy qaptamasy jaŋartylyp, edenderı auystyrylyp, su jüiesı tartylǧan bolatyn.
Biyl «Jol kartasy» baǧdarlamasy aiasynda oblystyq biudjetten qarjy bölınıp, ǧimaratqa tolyq kürdelı jöndeu jürgızıldı. Şatyry auystyrylyp, barlyq tereze, esık jäne eden jabyndary jaŋartyldy. Su, jylu jäne kärız jüielerı auystyrylyp, jaŋa jylu qazandyǧy ıske qosyldy. Sahna keŋeitılıp, zamanaui jaryq jäne dybys qūrylǧylary, sondai-aq LED ekran ornatyldy. Qosymşa bölmeler salyndy.
Aita keteiık, biylǧy mausym aiynda aimaq basşysy Jarma audanyna jūmys saparymen kelgende Şardaǧy Mädeniet üiın aralap, merdıger kompaniiaǧa jöndeu jūmystaryn sapaly ärı uaqytynda aiaqtaudy tapsyrǧan bolatyn.
Oblys äkımı eldı meken tūrǧyndaryn maŋyzdy mädeni nysannyŋ qaita aşyluymen qūttyqtady.
«Bız bügın Respublika künı qarsaŋynda Şar qalalyq mädeniet üiınıŋ qaita aşylu saltanatynda bas qosyp otyrmyz. Köktemde osynda kelgen kezımde būrynǧy ǧimaratty qaita jaŋǧyrtu turaly şeşım qabyldaǧan bolatynmyn. Mıne, bügın ädemı, keŋ, jaryq, biık, su jaŋa Mädeniet üiın özderıŋızben bırge aşqaly tūrmyz. Memleket basşysy Qasym-Jomart Toqaev biylǧy Qazaqstan halqyna arnaǧa Joldauynda «tıl, mädeniet, ruhaniiat mäselesı ūlttyq müddenıŋ özegı retınde sanalatyn. Ärine, būl dūrys, ärqaisysy ūlt bolmysynyŋ arqauy» dep airyqşa atap ötken bolatyn. Bız de osy baǧytty basşylyqqa ala otyryp, mädeniet nysandaryn jaŋǧyrtu ısıne basa män berıp kelemız. Şar qalasyndaǧy ǧimaraty tolyq kürdelı jöndeuden ötken būl öner ordasy öŋırdıŋ mädeni tynysyn jandandyryp, qala tūrǧyndarynyŋ ruhani ömırınde erekşe oryn alady dep senemız. Būl jerde şyǧarmaşylyq ūjymdar öz önerın şyŋdap, jastar ruhani tärbie alyp, türlı mädeni şaralar ūiymdastyrylatyn bolady. Osy igı ıstıŋ jüzege asuyna atsalysqan qūrylysşylarǧa, jobalauşylarǧa, mädeniet salasynyŋ qyzmetkerlerıne jäne barşa tūrǧyndarǧa şynaiy rizaşylyǧymdy bıldıremın. Şarǧa osymen üşınşı ret kelıp otyrmyn. Qalanyŋ damuy ünemı menıŋ nazarymda, jeke baqylauymda bolady», - dedı oblys äkımı.
Jergılıktı tūrǧyndar Mädeniet üiınıŋ jaŋǧyryp, qaita aşyluyn jyly qabyldap, üles qosqandarǧa rizaşylyqtaryn bıldırdı.
«Bügın Şar qalasy tūrǧyndary üşın aq tüienıŋ qarny jarylǧan kün dep aituǧa bolady. Mädeniet üiımızdıŋ qaita jaŋaryp, jarqyraǧan sätıne kuä bolyp otyrmyz. Şar qalasynda bassein qūrylysy bastaldy. Kelesı jyly bırneşe köşenıŋ joly jöndeletının aitty. Oblys basşylyǧyna alǧys aitamyz», - dedı qala tūrǧyny Talǧat Qūmarov.
Aimaq basşysy «Käusar» halyq ūlt-aspaptar orkestrı jäne «Sūluym» estradalyq qyzdar tobynyŋ konserttık baǧdarlamasyn tamaşalady.
Biyl öŋırde bırqatar mädeni nysandar jaŋartyldy. Abai audanynyŋ Qarauyl auylyndaǧy Mädeniet üiıne, Abai atyndaǧy oblystyq ämbebap kıtaphanaǧa, Abai atyndaǧy teatrǧa jäne Semei qalasyndaǧy F.M.Dostoevskii atyndaǧy ädebi-memorialdyq mūrajaidyŋ şatyryna aǧymdaǧy jöndeu jūmystary jürgızıldı. Respublikalyq maŋyzy bar tarihi-säulet eskertkışı sanalatyn oblystyq tarihi-ölketanu muzeiınde kürdelı jöndeu jūmystary bastaldy.
2025 jyly aimaqtyŋ mädeni infraqūrylymyn damytu maqsatynda respublikalyq biudjet esebınen bes jaŋa nysannyŋ qūrylysyna qarjy bölındı. Atap aitqanda, Ürjar audanyndaǧy Joǧarǧy Egınsu auylynda «Auyl – el besıgı» baǧdarlamasy aiasynda 100 oryndyq klubtyŋ qūrylysy aiaqtaluǧa jaqyn. Sondai-aq Boroduliha audanynyŋ Kamyşenka, Novopokrovka, Besqaraǧai audanynyŋ Begen, Gluhovka jäne Ernazar auyldarynda, Aqsuat audanynyŋ Kökjyra auylynda jaŋa Mädeniet üilerınıŋ qūrylysy jürgızılude.
