Jetısu oblysynda kıtap oqu mädenietın qalyptastyratyn jäne oqityn, oilanatyn jastar tärbieleitın orynnyŋ bırı Saryözek auylynda jaŋadan aşylǧan kıtaphana bolmaq. Jetısu oblysynyŋ äkımı Beibıt İsabaev Kerbūlaq audanyna barǧan saparynda jaŋa kıtaphanada öŋırdegı ziialy qauym ökılderımen kezdesu ötkızdı. Kezdesude Memleket basşysynyŋ «Ädılettı qoǧamǧa – şynşyl söz» atty kıtaby tanystyryldy.
«Zerdelı ūrpaq – sauatty qoǧam» taqyrybyn arqau etken kezdesuge ziialy qauym ökılderı, audan ardagerlerı, jastar ökılderı qatysty.
Oblys äkımı öz sözınde Prezidenttıŋ bastamaşyldyǧymen ıske asyrylyp jatqan tübegeilı konstitusiialyq reformalardyŋ mänıne keŋınen toqtaldy. Būl rette adamgerşılık idealdary men ömırşeŋ qūndylyqtardy özek etken «Zaŋ men tärtıp», «Taza Qazaqstan», «Adal azamat» qaǧidattaryn ornyqtyruǧa, jaŋa qoǧamdyq-saiasi, mädeni etika qalyptastyruǧa ärbır azamattyŋ üles qosuy maŋyzdy ekenın aitty.
- Memleket basşysy tübegeilı özgerıster nätijelı boluy üşın äsırese oqu-tärbie jäne aǧartu jūmystaryna, mädeni-gumanitarlyq, ekologiialyq bastamalarǧa erekşe män berıp otyr. Būl rette kıtap oqu mädenietın damytu – naqty qadam-qadammen ideia deŋgeiınen memlekettık saiasatqa ainaldy. Bügıngıdei aqparat legı köp zamanda kıtap adamdy tereŋ oilauǧa, baiyppen oqyp, mäselenıŋ mänıne üŋıluge maşyqtandyrady. Oqyrmannyŋ dünietanymyn keŋeitedı, zerdelı ūrpaq qalyptastyrady, olardy bılımge, ǧylymǧa jeteleidı, qoǧamdyq ortada özın ūstau mädenietıne, ızet pen ädepke, tärtıp pen jauapkerşılıkke üiretedı. Prezident aitqandai, kıtap oqityn el ziialy ūltqa ainalady. Sondyqtan bızdıŋ basty maqsatymyz – oqityn, oilaityn, ızdenetın jastardy tärbieleu, - degen Beibıt İsabaev osy baǧytta oblysta atqarylyp jatqan jūmystarǧa toqtaldy.
Sonymen qatar öz sözınde oblys äkımı audandyq kıtaphanaǧa arnaiy alyp kelgen Memleket basşysynyŋ «Ädılettı qoǧamǧa – şynşyl söz» atty kıtabyn tanystyrdy. «Būl – Prezidenttıŋ Ädılettı, örkendegen Qazaqstan qūrudaǧy memleketşıl mūrattary, ömırlık ūstanymdary, qasiettı qūndylyqtar turaly oilarynyŋ jinaǧy. Būl kıtap tek belgılı bır auditoriiaǧa ǧana emes, barşa oqyrman qauymǧa arnalady. Jas aiyrmaşylyǧyna, äleumettık märtebesıne, basqa da erekşelıgıne qaramastan ärkım özıne keregın ekşep ala alady. Sondyqtan bügın osy kezdesude aǧa buyn men jastardyŋ basyn qosyp otyrmyz» - dedı B. İsabaev. Atap ötsek, jinaqtyŋ bırneşe danasy audan-qalalardaǧy kıtaphanalarǧa, sonyŋ ışınde kolledjderge de tapsyryluda.
Mūnan soŋ kezdesuge qatysuşylar öz pıkırlerın bıldırıp, oi qosty.
«Mizam» jyljymaly ädebiet mektebınıŋ jetekşısı Mūhtar Kümısbek oblys äkımdıgınıŋ qoldauymen ıske asyrylyp jatqan ädebiet mektebı jobasynyŋ aiaq alysyn tılge tiek ettı.
- Balalarǧa kıtap oqytuda bırınşı bolyp naqty jobany Jetısu oblysy qolǧa alǧanyn maqtanyşpen aitamyz. «Mizam» mektebın osydan ekı jyl būryn qūrdyq, sodan berı jas oqyrmandar qatary qalyptasty. Būl jobanyŋ maqsaty – tek köp kıtap oqytu emes, ızdenetın, oilanatyn ūrpaq qalyptastyru. Kıtap oqu – ülken eŋbek. Ärbır oqylǧan kıtap – balanyŋ sanasyna sebılgen dän siiaqty. Ol bolaşaqta jemısın beredı. Bızdıŋ jobamyzdy qoldaǧandaryŋyzǧa alǧys aitamyz, - dedı ol.
Sol siiaqty ardager jurnalist Jūmahmet Jailaubaev Prezidenttıŋ kıtabyna qatysty pıkırın jetkızdı.
- Prezident kıtapta «Bız eldı, ūltty Abaişa süiudı üirenuımız kerek» deidı. Nege Abaidan? Öitkenı Abai «Adamzattyŋ bärın süi bauyrym dep» deidı bızge. Iаǧni el bolyp ūiysudyŋ, bır maqsatqa bırıgudıŋ jolyn körsetedı. Soŋǧy kezde bız jiı aitatyn «Bärımızge ortaq qūndylyq bar ma?» degen sūraqqa Memleket basşysy: «Ädılettılık – qoǧamdy örkenietke jeteleitın, onyŋ bet-beinesın aiqyndaityn basty qūndylyq» dep jauap beredı. Jastar bölımınde Maǧjanşa men jastarǧa senemın dei otyryp, el erteŋı jastarda ekenın, sondyqtan olarǧa jaqsy bılımmen qatar jaqsy tärbie beru kerektıgın aitady. Jalpy, būl ärbır adamdy oilandyratyn, baǧyt beretın jinaq, - dedı J. Jailaubaev.
Belgılı aitysker aqyn Aitaqyn Būlǧaqov jaŋa qūndylyqtar qalyptastyruǧa qatysty pıkırın bıldırdı:
- Künı keşe Prezident amandasu ädebı turaly jaqsy aitty. Söz basy sälemdesuden bastalady. Sondyqtan sälemdesu ädebın üiretudı balabaqşa men mektepten bastau kerek. Bügın tanystyrylyp otyrǧan «Ädılettı qoǧamǧa – şynşyl söz» atty kıtabynda Prezident «Är azamat el taǧdyryna öz taǧdyryndai qarauǧa tiıs», - deidı. Iаǧni jaŋarǧan qoǧam jasau bır ǧana adamnyŋ, nemese bır mekemenıŋ emes, ärqaisymyzdyŋ qolymyzda ekenın aitady. 21 taqyryptyq bölımge bölıngen būl kıtapta zaŋ üstemdıgınen bastap ekologiialyq mädenietke deiıngı barlyq taqyryp qamtylǧan, - deidı A. Būlǧaqov.
- Prezident jastar tärbiesınıŋ el bolaşaǧy üşın qanşalyqty maŋyzdy ekenın ünemı aitady. «Bügın sanaly ūrpaqty tärbielei alsaq, erteŋ zaman köşınıŋ basynda jüremız», - deidı bır qanatty sözınde. Sondyqtan bız, jastar tek sapaly bılım alyp qana qoimai, ızdenıp, özımdı özımız jan-jaqty damytyp, azamattyq jauapkerşılıktı, jaŋa qūndylyqtardy qalyptastyruǧa üles qosuymyz kerek, - dedı Jetısu studentter aliansynyŋ töraiymy, ambudsmen Aqerke Qyzaibai.
Sondai-aq oblystyq ardagerler keŋesınıŋ töraǧasy Ermek Kelemseiıt, Kerbūlaq audandyq äielder keŋesınıŋ töraiymy Ǧaliia Aqbasova jäne basqa da azamattar jaŋa qoǧamdyq mädeniet qalyptastyrudyŋ maŋyzy, kıtap oqudyŋ paidasy, Prezidenttıŋ jaŋa jinaǧy jönınde oi qosty
Jalpy, oblys qūrylǧannan berı öŋırde mädeniettıŋ 34 jaŋa nysany qoldanysqa berılgen, iaǧni sala infraqūrylymyn jaŋartu deŋgeiı 36%-dan asty. Sondai-aq biyl «Qazaqstan halqyna» qoǧamdyq qorynyŋ qoldauymen Qoǧaly auyldyq mädeniet üiı men Molyqbai Baisaqūly atyndaǧy Aqsu audandyq mädeniet üiınıŋ materialdyq-tehnikalyq bazasyn nyǧaitu, rebreding jürgızu josparlanyp otyr.
Jyl saiyn ūlǧaityludyŋ arqasynda kıtaphanalardaǧy kıtap qory bügıngı künı 2,8 mln danaǧa jettı. Öŋırde bügınge deiın «Kıtap oqityn ūlt» jobasy aiasyndaǧy ıs-şaralarǧa oblys kölemınde 150 myŋnan astam oqyrman tartyldy.
