Prezident Qasym-Jomart Toqaevtyŋ töraǧalyǧymen sirek kezdesetın metaldar salasyn damytu mäselelerı jönınde Qauıpsızdık Keŋesınıŋ otyrysy öttı, dep habarlaidy “Adyrna”.
Memleket basşysy Qazaqstannyŋ resurs qory men öndırıstık äleuetı jaǧynan Ortalyq Aziiada jetekşı oryn alatynyn atap öttı. Prezident būl mümkındıkterdı el müddesıne tiımdı paidalanu qajet ekenın aitty.
Prezident Qasym-Jomart Toqaevtyŋ pıkırınşe, älemdegı qazırgı ahual tabiǧi resurstarǧa bai memleketter üşın jaŋa mümkındıkter aşyp otyr. Sonymen qatar asa maŋyzdy materialdarǧa qol jetkızu üşın memleketter arasyndaǧy bäsekelestık küşeiıp keledı.
Prezident būl baǧyttyŋ joǧary tehnologiialyq salalardy damytu üşın strategiialyq maŋyzy bar ekenın atap öttı. Osyǧan bailanysty Qazaqstan qolda bar resurstar men öndırıstık äleuettı tiımdı paidalanyp, öndırıs tızbegın jüielı türde damytuy qajet.
Otyrysta Ükımet müşelerı salanyŋ qazırgı jaǧdaiy, mineraldyq resurstar qoryn igeru perspektivalary, qaita öŋdeu öndırısın damytu jäne saladaǧy negızgı kedergıler turaly baiandady.
Jiyn qorytyndysy boiynşa Ükımetke jäne tiıstı memlekettık organdarǧa bırqatar naqty tapsyrma berıldı.
Atap aitqanda, salany damytudyŋ jüielı täsılın qalyptastyru, retteu tetıkterın jetıldıru, geologiialyq barlau men öŋdeu jūmystaryn damytu, tehnogendık mineraldyq tüzılımderdı ekonomikalyq ainalymǧa engızu közdeldı.
Sondai-aq zerthanalardyŋ materialdyq-tehnikalyq bazasy men kadrlyq äleuetın küşeitu jäne äkımşılık kedergılerdı joiu jönınde tapsyrmalar berıldı.
