Almatydaǵy baraholkada taǵy da órt boldy. Tótenshe jaǵdaılar mınıstrligi bazardaǵy órttiń tolyq sóndirilgenin málimdedi, dep habarlaıdy “Adyrna” ulttyq portaly.
Órt shyqqany týraly habar saǵat 12:00 túsken. Almaty qalasy Tótenshe jaǵdaılar departamentiniń bólimsheleri oqıǵa ornyna kelgen kezde "Kenjehan-2" kıim-keshek bazarynyń aýmaǵyndaǵy konteınerlik úlgidegi qoımadan órt shyqqany anyqtaldy.
Tótenshe jaǵdaılardy jedel joıý jumystaryna Tótenshe jaǵdaılar mınıstrliginiń Almaty qalasy boıynsha bólimsheleriniń jeke quramy men tehnıkasy jumyldyrylǵan.
Tótenshe jaǵdaılar mınıstrligi órttiń sóndirilgenin habarlady.
“Saǵat 12:52-de órt sóndirýshilerdiń jedel áreketiniń arqasynda órt aýyzdyqtaldy. Qurbandar men zardap shekkender joq. Sóndirý jumystary jalǵasýda”, – delingen habarlamada.
