Almatyda käsıpkerden 2 mln teŋge bopsalaǧan «qylmystyq törttık» ūstaldy. Būl turaly Polisia.kz jariialady, dep habarlaidy “Adyrna” ūlttyq portaly.
Aqparat boiynşa, osy qylmysty jasady degen küdıkpen tört er adam ūstaldy. Olardyŋ üşeuı būryn qaraqşylyq şabuyl, densaulyqqa auyr ziian keltıru jäne bötennıŋ mülkın ūrlau boiynşa ıstı bolǧandyǧy belgılı boldy.
Küdıktıler fizikalyq küş qoldanamyn dep qorqytyp, käsıpker 21 jastaǧy K. esımdı azamattan 2 mln teŋge kölemınde aqşa bopsalaǧan. Küdıktıler sūraǧan somanyŋ bırınşı bölıgın bırden alǧan, qalǧanyn tabu üşın 20 kün uaqyt bergen. Bopsalau deregı QR QK-nıŋ 194-baby 2-bölıgımen tırkeldı. Jedel jäne arnaiy şaralar keşenı jürgızıldı. «Qylmystyq törttıktıŋ» qylmystyq äreketterı qūjattaldy. Olar qylmys üstınde ūstaldy. QR QPK-nıŋ 128-babyna säikes küdıktıler UŪİ-ǧa qamaldy. Atys qaruyn zaŋsyz saqtau deregı anyqtaldy. Saraptamalar taǧaiyndaldy, - dedı Medeu audandyq polisiia basqarmasynyŋ bastyǧy Iliias Ömırserıkov.
Ūqsas jaŋalyqtar
