Pavlodar oblysynyŋ būrynǧy äkımı Ǧalymjan Jaqiianov Almatyda özıne qatysty jaŋa ıs qozǧalǧanyn habarlady. Būl turaly ol äleumettık jelıde jazdy, dep habarlaidy “Adyrna” ūlttyq portaly.
“Osyǧan deiın Tölen Toqtasynov ekeuımızdıŋ aramyzdaǧy ıskerlık daudyŋ (onyŋ bastamasymen) qoǧamdyq ortaǧa şyǧyp, arty sot otyrystaryna ūlasqany turaly jazǧanmyn.
Mäselenıŋ qysqaşa män-jaiy bylai: bır kezderı öz basyndaǧy qaryzdarymen qarjylyq jauapkerşılıktı Toqtasynov maǧan jükteuge tyrysty. Ökınışke qarai, onyŋ būl äreketke baruyna ūzaq jylǧy dostyǧymyzdy da kedergı bola almady. Ol maǧan jala jabumen, azamattyq sotqa jügınumen şektelmedı. Mäselen, 2022 jyly Moŋǧoliia polisiiasyna menıŋ üstımnen aryz jazdy. Qūqyq qorǧau organdary barlyq män-jaidy tekserıp, menı jauapqa tartuǧa negız tappai, kerısınşe, Toqtasynovtyŋ özıne qatysty qylmystyq ıs qozǧady. Osydan keiın ol Moŋǧoliiadan ketuge mäjbür boldy. Qazır oǧan ızdeu salynǧan”, dep jazdy ol.
Sondai-aq, Jaqiianovtyŋ aituynşa, Qazaqstan azamattary arasyndaǧy jeke dauǧa qala prokurorynyŋ aralasuy mümkın.
“Künı keşe taǧy bır jait estıdım. Tölen Toqtasynov byltyr Almatynyŋ Bostandyq audandyq polisiiasyna da däl sondai aryzben jügınıptı. Ondaǧylar da menıŋ ıs-äreketımde qylmys qūramy bolmauyna bailanysty maǧan qatysty ıs qozǧaudan bas tartady. Alaida biylǧy jyldyŋ 1 aqpanynda Almaty qalasy prokurory S.Kärıpbekov ol şeşımınıŋ küşı joiylyp, Toqtasynovtyŋ aryzy boiynşa tergeu bastalǧanyn habarlapty. Osylaişa, «Jaŋa ädılettı Qazaqstanda» maǧan qarsy jaŋa qylmystyq ıs qozǧaldy.
Qazaqstan azamattary arasyndaǧy jeke dauǧa qala prokurorynyŋ aralasuy kem degende kümän tudyrady. Äsırese, QR Bas Prokurorynyŋ prokuratura ökılderıne ıskerlık daularǧa aralasuǧa tyiym salatyn resmi nūsqauy bar ekenın eskersek, būl müldem oiǧa qonbaidy.
Sondyqtan osy ıste ne jemqorlyq, ne saiasi astary bar dep sanaimyn. Ekeuınıŋ naqty qaisysy ekenın aldaǧy uaqyt körseter”, dep jazdy ol.
Aita keteiık, būǧan deiın Ǧalymjan Jaqiianov Tölen Toqtasynov pen onyŋ jūbaiy Alma Toqtasynovanyŋ üstınen bırneşe ret aryz tüsırıp, sotta jeŋılıs tapqan bolatyn. Ol turaly “Dostar dauy” degen seriialy maqalalar jariialadyq.
Sonymen qatar, Tölen Toqtasynovtyŋ “Adyrna” iutub arnasyna bergen sūhbatyna Ǧalymjan Jaqiianov şaǧymdanyp, Alatau audandyq sotyna talap-aryzben jügıngen bolatyn. Kezektı sot otyrysy 26 aqpan künı bolady.
https://youtu.be/hqlrELQ3QJw?si=DRO_7r-ITR656eUW
