Almaty qalasy Bostandyq audanynyŋ äkımı Sanjar Älin qyzmetınen kettı, dep habarlaidy "Adyrna" ūlttyq portaly.
«İä, ekı ret ötınış berdım. Alǧaşqysyn 1 şıldede jazdym, bıraq qaluymdy sūrady. Ekınşısın 4 tamyzda tapsyrdym, qazır kelısımın kütıp otyrmyn», – dedı ol.
Älinnıŋ aituynşa, otstavkasy basqa qyzmetke auysuyna bailanysty.
Sanjar Älin 2023 jylǧy 19 mamyrdan berı Bostandyq audanynyŋ äkımı qyzmetın atqardy. Ol 1984 jylǧy 30 tamyzda tuǧan. Regents Business College-dı «Halyqaralyq marketing» mamandyǧy boiynşa bıtırıp, The University of Winchester universitetınde MBA därejesın alǧan. Sondai-aq D.A. Qonaev atyndaǧy gumanitarlyq kölık jäne qūqyq universitetınıŋ diplomy bar.
Är jyldary jeke biznes, kvazimemlekettık sektor jäne memlekettık qyzmette eŋbek etken. Almatydaǧy energetika jäne infraqūrylym salasyndaǧy bölımderdı basqarǧan.
Aita keteiık, Almaty qalasynyŋ jaŋa äkımı Darhan Satybaldy qyzmetıne kırıskennen keiın qala äkımdıgınde bırqatar kadrlyq özgerıster boldy. Soŋǧy künderı qalanyŋ bırneşe basşy qyzmetkerlerı bosatyldy. 7 tamyzda qala äkımınıŋ orynbasary Äsem Nüsıpova, al 13 tamyzda Asqar Ämrin qyzmetınen ketken.
