Foto: Anadolu
Armeniia premer-ministrı Nikol Paşinian elınıŋ aldaǧy jiyrma jyl ışınde Europalyq odaqqa müşe bolatynyna senım bıldırdı. Būl turaly ol İrlandiia astanasy Dublinde ötken Halyqaralyq jäne europalyq ıster institutyndaǧy (IIEA) kezdesude mälımdedı, dep habarlaidy “Adyrna” ūlttyq portaly 1lurer.am saityna sılteme jasap.
Kezdesu barysynda Paşinianǧa Armeniiany 20 jyldan keiın qandai memleket retınde elestetetını turaly sūraq qoiyldy. Ükımet basşysy oǧan: «Men Armeniiany Europa odaǧynyŋ qūramynda köremın», – dep jauap berdı.
Premer-ministrdıŋ aituynşa, qazırgı uaqytta Erevan men Briussel arasyndaǧy bailanys jaŋa deŋgeige köterılıp, taraptar ekıjaqty qarym-qatynastyŋ būryn-soŋdy bolmaǧan joǧary körsetkışke jetkenın moiyndap otyr.
Paşinian būl özgerısterdıŋ aiqyn dälelı retınde 5 mamyrda Erevanda ötken Armeniia men Europa odaǧynyŋ alǧaşqy bırlesken sammitın atady.
Sonymen qatar Armeniia ükımetınıŋ basşysy EO-men vizasyz rejim engızu mäselesıne de toqtaldy. Būǧan deiın ol būl baǧyttaǧy kelıssözder men qajettı şaralardy eŋ ūzaq degende ekı jyl ışınde aiaqtauǧa uäde bergen bolatyn. Onyŋ sözınşe, vizasyz qatynas ornaǧan jaǧdaida armian azamattarynyŋ Europa elderıne saparlauy edäuır jeŋıldeidı.
Paşinian būl mümkındıktı äzılmen jetkızıp, bolaşaqta Kiprdıŋ Larnaka qalasyna baru üşın tölqūjatty ūmytpau jetkılıktı bolatynyn, al ūşaq biletınıŋ baǧasy nebärı ekı euro boluy mümkın ekenın aitqan.
Būdan bölek, juyrda premer-ministr Armeniianyŋ Europa odaǧyna qosylu jönınde 2027 nemese 2028 jyly resmi ötınış beruı yqtimal ekenın mälımdegen edı.
