Foto Ritchie B.Tongo / EPA / TASS
NVIDIA kompaniiasynyŋ būrynǧy basşysy Djensen Huangtıŋ jeke ömırıne qatysty dau odan ärı örşi tüstı. Şeteldık BAQ-ta onyŋ kompaniianyŋ taǧy bır qyzmetkerımen köŋıl jarastyrǧany turaly aqparat tarady. Mälımet onyŋ qyzmetınen ketetını jariialanǧannan keiın belgılı bolǧan. Būl turaly The Quint basylymy jazdy, dep habarlaidy “Adyrna”.
The Quint mälımetınşe, Huangtıŋ taǧy bır qyzmetkermen qarym-qatynasta bolǧany turaly aqparat NVIDIA direktorlar keŋesı onyŋ otstavkasyn resmi türde jariialaǧannan keiın bırneşe saǧat ötken soŋ taraǧan.
Alaida būrynǧy top-menedjermen bailanysy bolǧany aitylǧan qyzmetkerdıŋ esımı jariialanǧan joq. NVIDIA ökılderı men kompaniianyŋ direktorlar keŋesı būl aqparatqa qatysty äzırge tüsınıkteme bermegen.
Eske salaiyq, jasandy intellektke arnalǧan chipter öndıretın NVIDIA kompaniiasynyŋ 63 jastaǧy basşysynyŋ jeke ömırıne qatysty aqparat qazan aiynyŋ soŋynda tarai bastaǧan.
Alǧaşynda Huangtıŋ käsıpker Elis Huangpen jaqyn qarym-qatynasta bolǧany turaly mälımet şyqty. Sonymen qatar AQŞ arnaiy qyzmetterı onyŋ Qytai barlau qyzmetımen bailanysy boluy mümkın degen küdıkke ılıngenın habarlaǧan. Osy oqiǧalardan keiın kompaniianyŋ direktorlar keŋesı täuelsız tergeu jürgızuge kırısken.
8 qaraşada Djensen Huang qyzmetkerlerge joldaǧan hatynda jūbaiyna opasyzdyq jasaǧanyn moiyndap, keşırım sūraǧany aityldy.
Keiın onyŋ NVIDIA kompaniiasynyŋ densaulyq saqtau baǧyty boiynşa vise-prezidentı Kimberli Pauellmen de qarym-qatynasta bolǧany turaly aqparat tarady. Būqaralyq aqparat qūraldarynyŋ mälımetınşe, Pauell būryn Huangke tıkelei baǧynǧan qyzmetkerlerdıŋ bırı bolǧan.
Jeke ömırıne qatysty dau küşeigen tūsta, 12 qaraşada Djensen Huangtıŋ NVIDIA bas direktory qyzmetınen ketetını jäne direktorlar keŋesınıŋ qūramynan şyǧatyny jariialandy.
The Quint basylymynyŋ jazuynşa, qyzmetınen ketuıne bailanysty Huang kompaniiadaǧy qūny şamamen 108 million dollar bolatyn, iaǧni qazırgı baǧam boiynşa 48 milliard teŋgeden asatyn tölenbegen aksiialar paketınen aiyryluy mümkın.
Osylaişa, älemdegı ırı tehnologiialyq kompaniialardyŋ bırın basqarǧan Djensen Huangtıŋ ainalasyndaǧy dau onyŋ jeke ömırımen ǧana şektelmei, käsıbi qyzmetıne de äser etıp otyr.
Eske salsaq, 23 qazanda Aqordada prezident Qasym-Jomart Toqaev Nvidia basşysy Djensen Huangty qabyldaǧan bolatyn. Kezdesu barysynda kompaniia jetekşısı Qazaqstandy Physical AI, iaǧni robottardy, avtonomdy kölıkterdı jäne öndırıstık prosesterdı basqaratyn fizikalyq jasandy intellekt salasyndaǧy älemdık habqa ainaldyrudy ūsynǧan.
Prezident käsıpkerge eldegı Jİ ekojüiesınıŋ damuyna qosqan ülesı üşın alǧys aityp, ony I därejelı «Dostyq» ordenımen marapattaǧan.
