Qazaqstandaǧy Qaşaǧan ken orny jobasyn igerıp otyrǧan ırı mūnai kompaniialary 2,3 trln teŋgelık ekologiialyq aiyppūl mäselesı boiynşa halyqaralyq arbitrajǧa ötınış berdı, dep habarlaidy "Adyrna" ūlttyq portaly Kursiv-ke sıltep.
Mäsele Astanadaǧy sottyŋ kompaniialardyŋ aiyppūldy joiu turaly şaǧymyn qanaǧattandyrmauynan keiın uşyǧa tüsken. Sonymen qatar, Qazaqstan ükımetı Qaşaǧan maŋyndaǧy igerılmegen Aqtoty men Qairan ken oryndaryn memleket menşıgıne qaitaru talabymen bölek arbitrajdyq ıs qozǧap otyr.
Bloomberg deregınşe, būl daular Qazaqstan men mūnai alpauyttary arasyndaǧy Qaşaǧanǧa qatysty jalpy kölemı 166 mlrd dollardy qūraityn ırı kelıspeuşılıktıŋ bır bölıgı bolyp tabylady. Daular joǧalǧan tabys, şyǧyndardy öteu jäne ekologiialyq talaptarǧa bailanysty.
Ekologiialyq aiyppūl kükırttı saqtau erejelerın būzu negızınde berılgen. Qaşaǧan ken ornyn basqaratyn North Caspian Operating Company (NCOC) kompaniiasy talaptardy saqtaǧanyn mälımdegen. Qazaqstannyŋ jauapty vedomstvolary būl taqyrypta äzırge pıkır bıldırgen joq.
