2026 jylǧy Qysqy Olimpiada oiyndary Milan qalasynda öttı. Qazaqstan atynan töreşılık jasaǧan reseilık maman Nadejda Pareskaia öz otandasyna negızsız joǧary ūpai qoiyp, qazaqstandyq sportşylardyŋ körsetkışın tömendettı degen aiyp taǧyldy, dep habarlaidy "Adyrna".
Jelı qoldanuşylary men sport sarapşylary Pareskaianyŋ ädıldıgıne kümän keltırıp otyr. Basty narazylyq kelesı jaittarǧa bailanysty:
- Adeliia Petrosiannyŋ jaǧdaiy: Reseilık sportşy erkın baǧdarlama kezınde tört ainalymdyq tulupty oryndau barysynda mūzǧa qūlap tüskenıne qaramastan, Pareskaia oǧan eŋ joǧary – 147,04 ūpai qoiǧan. Basqa töreşılerdıŋ baǧasy būdan äldeqaida tömen boldy. Osy qoldaudyŋ arqasynda Petrosian jalpy esepte 6-orynǧa tūraqtady.
- Sofia Samodelkinaǧa qysym: Qazaqstan namysyn qorǧap jatqan Samodelkinaǧa Pareskaia kerısınşe tömen ūpai bergen. Saldarynan jerlesımız turnir kestesınde 10-orynǧa syrǧydy.
Töreşınıŋ «qyspaǧyna» erler arasyndaǧy jarysta Mihail Şaidorov ta tüsken. Pareskaia Şaidorovtyŋ ūpaiyn ädeiı tömendetıp, ony 7-orynǧa deiın tüsırıp jıbergen.
Būl jaǧdai qazaqstandyq sportşyny täuekelge baruǧa mäjbür ettı:
- Mihail erkın baǧdarlamada tehnikalyq jaǧynan öte kürdelı bes sekıru elementın (tört ainalymdyq) oryndaudy ūiǧardy.
- Qysymǧa qaramastan, Şaidorov mūzda mınsız öner körsetıp, barlyq qarsylastaryn şaŋ qaptyrdy.
- Nätijesınde Mihail Şaidorov Olimpiada chempiony atanyp, Qazaqstan qorjynyna altyn medal saldy.
Qazaqstandyq janküierler äleumettık jelılerde Nadejda Pareskaianyŋ būl äreketın «käsıbi etikaǧa jat» dep baǧalap, Qazaqstannyŋ Mänerlep syrǧanau federasiiasynan būl jaǧdaiǧa bailanysty resmi tüsınıkteme talap etıp otyr. Köpşılıktıŋ pıkırınşe, elımızdıŋ atynan baratyn töreşıler aldymen öz sportşylarymyzdyŋ müddesın qorǧauy tiıs.
