Aqaba prosesı sammitıne qatysu üşın İordaniia, Täjıkstan, Özbekstan jäne Türkımenstan basşylary Qazaqstan astanasyna keldı, dep habarlaidy "Adyrna".
Şeteldık delegasiialardy äuejaidan Memleket basşysy Qasym-Jomart Toqaev qarsy aldy.
5 qaraşada İordan Haşimit Koroldıgınıŋ korolı II Abdalla ben äl-Husein Qazaqstanǧa resmi saparmen keldı. Äuejaida märtebelı meimandy saltanatty qarsy alu räsımı ötıp, qūrmet qarauyly sap tüzedı.
Sondai-aq Özbekstan prezidentı Şavkat Mirziioev, Täjıkstan prezidentı Emomali Rahmon jäne Türkımenstan prezidentı Serdar Berdımūhamedov Astanaǧa jūmys saparymen keldı.
Qasym-Jomart Toqaev pen II Abdalla ben äl-Huseinnıŋ kezdesuınde ekıjaqty qarym-qatynastardy nyǧaitu mäselelerı talqylandy. Prezident İordaniia korolınıŋ Qazaqstan men İordaniia arasyndaǧy dostyq bailanystardy damytuǧa qosqan ülesın atap ötıp, ony Al-Farabi ordenımen marapattady.
Öz kezegınde İordaniia korolı Qasym-Jomart Toqaevqa İordan Haşimit Koroldıgınıŋ joǧary memlekettık nagradasy – al-Hussain ibn Ali ordenın tabystady.
Täjıkstan prezidentı Emomali Rahmonnyŋ Qazaqstanǧa resmi sapary aiasynda ekı el köşbasşylary strategiialyq ärıptestık pen odaqtastyq qatynastardy nyǧaitu mäselelerın talqylaidy.
Sammit aiasynda jaŋa tehnologiialardan tuyndaityn qauıp-qaterlerge qarsy küres mäselelerı de qarastyrylady. Jiynǧa älemnıŋ türlı elderınıŋ basşylary, qauıpsızdık vedomstvolary men BŪŪ jäne İnterpol siiaqty halyqaralyq ūiymdardyŋ ökılderı qatysady.
