Kólik mınıstri Marat Qarabaev áýe bıletteriniń qymbattaýyn halyqtyń ál-aýqatynyń ósýimen túsindirdi, dep habarlaıdy "Adyrna" tilshisi QazTag-qa siltep.
Mınıstr Qarabaev Qostanaı oblysynyń turǵyndarymen kezdesýde:
"Ushýlardyń qoljetimdiligi-qoǵamda jıi talqylanatyn másele. Bıletter qymbat-biz moıyndaımyz. Qazir biz jańa loýkoster men halyqaralyq kompanııanyń qazaqstandyq naryqqa shyǵý máselesin pysyqtap jatyrmyz", - dedi.
Kólik mınıstrliginiń sózinshe, "básekelestik paıda bolady-bılet quny tómendeıdi".
"Sonymen qatar, azamattardyń ál-aýqaty da únemi ósip keledi. Bul áýe tasymaldarǵa suranystyń jyl ishinde 27% - ǵa ósýimen aıǵaqtalady. Ony qamtamasyz etý úshin biz jańa ushaqtardy satyp ala bastadyq. Bıyl taǵy 11 ushaq satyp alamyz, sodan keıin Qazaqstanda 100 ushaq bolady. Al 2025 jylǵa qaraı otandyq jolaýshylar áýe kompanııalarynyń 145 jeke borty bolady dep josparlap otyrmyz. Sondaı - aq, jańa áýe marshrýttardy iske qosý josparymyzda bar", - deıdi Qarabaev.
