Almatylyq ata-ana aýyr qylmysqa bardy. Olar perzenthanada jórgegine oranyp, kózin jańa ashqan sábıin saýdalap jatqan jerinen ustaldy. Almaly aýdanynyń polıııa qyzmeti olardy qylmys ústinde quryqtady, dep habarlaıdy "Adyrna" ulttyq portaly.
Sáýbıdi saýdaǵa salyp, tarazyǵa tartpaq bolǵan ata-anaǵa qatysty Almaty qalalyq PD uıymdasqan qylmysqa qarsy kúres basqarmasynyń bastyǵy Janat Nurǵalıev bylaı dep málimdeme jasady:
"1998 jyly týǵan B. esimdi áıel men onyń kúıeýi 1991 jyly týǵan B. esimdi azamat ustaldy. Birneshe saǵat buryn áıel perzenthanadan shyqqan. Olar sol jerden birden mámile jasaýǵa ketken. Olar qyzyn 2 mln teńgege baǵalaǵan. Aıta ketý kerek, erli-zaıyptylar týylmaǵan bala úshin “áleýetti ata-anany” aldyn ala izdegen. Jańa týǵan náresteni satýdan túsken aqsha aıyptalýshylardy ustaý kezinde tárkilendi. Is sotqa deıingi tergeýdiń biryńǵaı tiziliminde QR QK-niń 135 baby 2 bóligi (Kámeletke tolmaǵandar saýdasy) boıynsha tirkelgen qylmystyq is materıaldaryna qosyldy. Qylmystyq is aıasynda jedel-tergeý sharalary júrgizilip jatyr", - dedi maman.
Sonymen qatar, kópes erli-zaıyptylardyń eki balasy bary anyqtaldy. Olar aýyr qylmysqa barǵandaryn ashyq moıyndap otyr.
"Adyrna" ulttyq portaly
