Almaty qalasynyŋ Turizm basqarmasy gidter men ekskursovodtar üşın käsıbi bılıktılıktı arttyruǧa baǧyttalǧan oqytu kurstaryn ötkızude. Baǧdarlama turistık qyzmet sapasyn köteru jäne qalanyŋ servistık deŋgeiın jaqsartu maqsatynda jasalǧan.
Oqytu 17 qaraşadan 12 jeltoqsanǧa deiın ötude jäne 200 qatysuşyǧa arnalǧan. Kurstar qatysuşylarǧa qazırgı zamanǧy talaptarǧa sai käsıbi daǧdylaryn jetıldıruge mümkındık beredı.
Baǧdarlama aiasynda qatysuşylar ekskursiialyq qyzmet standarttaryn meŋgerıp, turistık marşruttardy äzırleu ädıstemesın üirenedı. Sondai-aq, Almatynyŋ mädeni jäne tarihi mūrasyn zerttep, şeteldık turistermen jäne mümkındıgı şekteulı adamdarmen jūmys ısteu daǧdylaryn damytady.
Kurs şeŋberınde mamandar därıs oqyp, täjıribelerımen bölısude. Negızgı spiker — Szen Chjigo, Guilin turizm universitetınıŋ (QHR) oqytuşysy. Halyqaralyq turizm, protokoldyq qyzmet körsetu jäne gidterdı daiarlau salasynda 20 jyldan astam täjıribesı bar maman mädenietaralyq kommunikasiia, halyqaralyq etiket jäne ekskursiialyq jūmystardyŋ zamanaui ädısterı boiynşa sabaq jürgızedı. Oqytu aiaqtalǧannan keiın barlyq qatysuşylarǧa sertifikattar tabystalady.
Biylǧy jyly Mastercard mälımetıne säikes, turisterdıŋ qanaǧattanu deŋgeiı 75,08%-tı qūrap, ötken jylmen salystyrǧanda 6 punkttık ösımdı körsettı. Būl megapolistegı qyzmet sapasyn arttyru boiynşa jürgızılıp jatqan jūmystardyŋ özektılıgın rastaidy. Atalmyş kurstar turisterge ūsynylatyn qyzmettı edäuır jaqsartyp, turistık aǧynnyŋ ösuıne oŋ äser etedı.
