Ūlybritaniia hanzadasy Uiliam Grem Nortonnyŋ teleşouynda Qazaqstandaǧy kiık populiasiiasynyŋ qalpyna keltıru turaly aitty, dep habarlaidy "Adyrna" ūlttyq portaly.
Ol sirek kezdesetın januarlardy saqtauda memleket qoldauynyŋ maŋyzyn atap öttı.
VVS-ge bergen sūhbat 23 qazanda efirge şyqqan. Ony Qazaqstannyŋ Ūlybritaniiadaǧy elşılıgı jariialady.
Baǧdarlama barysynda jürgızuşı kiıkterdıŋ erekşe kelbetı men «Altyn Dala» tabiǧatty qorǧau bastamasy turaly sūraq qoiǧan. Jauap bergen hanzada bır kezderı joiylyp ketu qaupıne ūşyraǧan januarlardyŋ sany qaita köbeigenın aitty. Onyŋ sözınşe, būl nätijege Qazaqstan bilıgınıŋ kiıkterdı saqtauǧa erekşe köŋıl böluınıŋ arqasynda qol jetkızılgen.
«Kiıkter joiylyp ketu qaupınıŋ aldynda tūrdy, al qazır olardyŋ sany qaitadan orasan zor. Būl Qazaqstan ükımetınıŋ osy türdıŋ el men tabiǧat üşın maŋyzyn tüsınıp, jobaǧa tolyq qoldau körsetuınıŋ arqasynda mümkın boldy», – dedı hanzada Uiliam.
«Altyn Dala» bastamasy Qazaqstannyŋ dalalyq ekojüielerın qalpyna keltıruge jäne bioaluantürlılıktı saqtauǧa baǧyttalǧan. 2024 jyly joba Earthshot Prize syilyǧynyŋ «Tabiǧatty qorǧau jäne qalpyna keltıru» sanaty boiynşa jeŋımpaz atanyp, jūmysty jalǧastyru üşın 1 million funt sterling kölemınde qarjy alǧan.
Earthshot Prize ūiymynyŋ 2025 jylǧy qazanda jariialaǧan mälımetıne säikes, jobanyŋ nätijesınde jiyrma jyl ışınde kiıkterdıŋ sany şamamen 40 myŋnan 200 myŋǧa deiın ösken.
