Ūlybritaniia Äzerbaijan men Resei arasyndaǧy şielenıstıŋ küşeiuı aiasynda Bakuge qoldau bıldırdı. Londonnyŋ būl ūstanymyn Ūlybritaniianyŋ Äzerbaijandaǧy elşısı Fergius Old jariia ettı, dep habarlaidy «Adyrna» tılşısı.
«Bız qaza tapqandardyŋ otbasylaryna köŋıl aitamyz jäne osy qiyn sätte äzerbaijan halqymen yntymaqta ekenımızdı bıldıremız. Sondai-aq Äzerbaijannyŋ ädılettılıktı qamtamasyz etuge baǧyttalǧan küş-jıgerın qoldaitynymyzdy mälımdeimız»,— dedı diplomat.
Aita keteiık, 27 mausym künı taŋerteŋ FSB qyzmetkerlerı Ekaterinburgtegı bırneşe mekenjaiǧa reid ūiymdastyryp, etnikalyq negızde qylmys jasady degen küdıkpen bırneşe azamatty tūtqyndaǧan. Arnaiy operasiia barysynda Ziiaddin jäne Gusein Safarovtar qaza tauyp, taǧy bırneşe adam jaraqat alǧan.
FSB būl reidtıŋ bırneşe jyl boiy adam öltıru men özge de qylmystar jasady dep küdıkke ılıngen etnikalyq bandaǧa qarsy baǧyttalǧanyn habarlady. Atap aitqanda, 2001 jyly Ekaterinburg tūrǧyny Iýnis Paşaevty top bolyp öltıru ısı boiynşa Safarov bauyrlary būryn da küdıkke ılıngenımen, ol kezde dälel tabylmaǧan.
Būl oqiǧaǧa bailanysty Baku men Mäskeu arasynda diplomatiialyq şielenıs küşeidı. Būǧan deiın Äzerbaijannyŋ öz aumaǧynda Reseidıŋ mädeni şaralaryn ötkızuge şekteu qoiǧanyn jazǧan edık.
