Saharadaǵy BUU mıssııasyna áskerı baqylaýshysyna Qazaqstan Respýblıkasy Qarýly Kúshteriniń ofıeri maıor Dana Jamalıeva jiberildi. Bul týraly Qorǵanys mınıstrligi málimdedi, dep habarlaıdy “Adyrna” ulttyq portaly.
Qorǵanys mınıstrliginiń málimetinshe, áskerı qyzmetshi Qazaqstanda jáne shetelde BUU-nyń áskerı baqylaýshylardy daıarlaý kýrsyna iriktelip, oqýdan sátti ótti.
BUU-nyń beıbitshilik pen qaýipsizdikti qoldaý jónindegi mıssııasyna jiberilgen Dana Jamalıeva – QR Qarýly Kúshteriniń jetinshi áıel-áskerı qyzmetshisi.
Qazaqstannyń qorǵanys vedomstvosy bul jumysty BUU Qaýipsizdik Keńesiniń 1325 (2000) "Áıelder. Beıbitshilik. Qaýipsizdik" qujatyn basshylyqqa ala otyryp oryndaıdy. Halyqaralyq qujatta áskerı qyzmetshi áıelderdiń uıymnyń mıssııalaryna qatysýyn arttyrý týraly usynys bar, - delingen habarlamada.
