Atyrau oblysynda şeneunık Bauyrjan Asaiynovtyŋ ölımıne bailanysty qylmystyq ıs qozǧaldy, dep habarlaidy “Adyrna”.
“Aq Jaiyq” deregınşe, ol äleumettık qorǧau salasyn retteu jäne baqylau komitetınıŋ öŋırlık departamentın basqarǧan.
Asaiynovtyŋ qaitys bolǧany turaly aqparat departamenttıŋ Instagram äleumettık jelısındegı paraqşasynda jariialandy. Onda marqūmnyŋ jauapty qyzmet atqaryp, özıne jüktelgen mındetterdı oryndauǧa küş salǧany aitylǧan.
«Onyŋ kütpegen jerden qaitys boluy — ärıptesterı men jaqyndary üşın orny tolmas qaza», — delıngen habarlamada.
«Aq Jaiyq» basylymynyŋ mälımetınşe, şeneunıktıŋ denesı 18 qazanda özı tūrǧan päterden tabylǧan. Aldyn ala boljam boiynşa, mäiıt tabylǧanǧa deiın päterde şamamen ekı apta jatqan.
Atyrau oblystyq polisiia departamentınıŋ baspasöz qyzmetı atalǧan derek boiynşa qylmystyq ıs qozǧalǧanyn rastady.
«Atalǧan faktı boiynşa qylmystyq ıs qozǧaldy. Qazırgı uaqytta keşendı tergeu şaralary jürgızılıp jatyr. Tergeu müddesıne bailanysty özge aqparat jariia etılmeidı», — dep habarlady polisiia.
