Qazaqstannyŋ jasandy intellekt salasynda erekşe jädıger paida boldy. «Qazaqtelekom» basqarma töraǧasy Baǧdat Musin NVIDIA kompaniiasynyŋ negızın qalauşy ärı bas direktory Djensen Huangqa qoldan jasalǧan qara bylǧary kürte syilady, dep habarlaidy “Adyrna”.
Djensen Huangtyŋ qara bylǧary kürtesı onyŋ özındık stilınıŋ ajyramas bölıgıne ainalǧan. Osy erekşelıktı eskergen Baǧdat Musin oǧan arnaiy qolönermen jasalǧan kürte syilaudy ūiǧarǧan.
Alaida Djensen Huang syilyqty qabyldaudyŋ ornyna kütpegen ūsynys jasaǧan. Ol kürtege qoltaŋbasyn qoiyp, ony estelık retınde qaldyrudy ūsynǧan.
Osylaişa, Qazaqstannyŋ AI salasynda älemdık tehnologiia industriiasynyŋ yqpaldy tūlǧalarynyŋ bırı Djensen Huangtyŋ qoltaŋbasy qoiylǧan erekşe jädıger paida boldy.
Kürtenı “Damys” brendı taza bylǧarydan daiyndaǧan. Būiymnyŋ dizainynda ūlttyq naqyşqa erekşe män berılgen. Atap aitqanda, kürtenıŋ iyq tūsynda qoşqar müiız jäne bürkıt taŋbaly oiular bar. Al ışkı jaǧynda «Ūly dala syilyǧy» degen jazu ornalasqan. Kürtenıŋ tüimelerı de kümısten jasalǧan.
Osylaişa, ūlttyq oiu-örnek, dästürlı materialdar men zamanaui dizain üilesım tapqan erekşe būiym Qazaqstannyŋ jasandy intellekt salasyna qatysty este qalarlyq jädıgerge ainaldy.
Kürte äzırge bıreu bolǧanymen, Qazaqstannyŋ AI salasyndaǧy auqymdy jobalary men esepteu quattaryn damytuǧa degen ambisiiasy odan äldeqaida ülken. Öitkenı ırı tehnologiialyq bastamalar batyl ideialardan bastalsa, keide olardy este qaldyratyn erekşe stil de bolady.
