Almaty oblysynyŋ turizmın damytuǧa 58 mlrd teŋge bölınedı, dep habarlaidy "Adyrna" ūlttyq portaly Oblystyq äkımdıktıŋ baspasöz qyzmetıne sılteme jasap.
Vedomstvonyŋ mälımetınşe, Almaty oblysynyŋ äkımdıgı men investorlar toby arasynda "Oi-Qaragai" kurortyn damytu boiynşa qajettı jaǧdailar jasauǧa jäne jobany qoldauǧa qatysty memorandumǧa qol qoiu räsımı öttı. "Qol jetkızılgen kelısımder şeŋberınde 2028 jylǧa deiın tau kurortyn keŋeitu, atap aitqanda aspaly joldar salu, tau şaŋǧysy trassalarynyŋ ūzyndyǧyn ūlǧaitu, betkeilerdı jabdyqtau, paraplanerlerge arnalǧan alaŋdar, glampingter, meiramhanalar, kölder jäne qonaqtarǧa arnalǧan etno-qalaşyq josparlanuda. Jobany jüzege asyru barysynda üş negızgı baǧyt boiynşa memlekettık qoldau şaralary aiqyndaldy", - dedı Almaty oblysy äkımınıŋ orynbasary Rustam İsataev. Onyŋ aituynşa, aimaq basşylyǧy injenerlık jäne kölık infraqūrylymyn jürgızu mäselelerıne kömek körsetuge, sondai-aq äkımşılık qoldau körsetuge daiyn. "Taǧy bır maŋyzdy qadam – gaz qūbyrynyŋ ötkızu qabıletın saǧatyna 1000 tekşe metrge deiın arttyra otyryp, ony qaita qūru. Būdan basqa, Baibūlaq kentınen Oi-Qaragai-ǧa deiın Jük-jolauşylar tasymaly üşın avtojol salu jobasy ıske asyrylatyn bolady. Soŋǧy ärı maŋyzdy qadam – Talǧar traktısı - Oi-Qaragai jolyn qaita jaŋartu, jaryq ornatu", - dedı Rustam İsataev."Adyrna" ūlttyq portaly
Ūqsas jaŋalyqtar
