DDU Sputnik V vakınasyna ruqsat berý proesin toqtatty, dep habarlaıdy "Adyrna" ulttyq portaly.
Reseılik vakınany shyǵaratyn zaýyttardyń birinde zań buzýshylyq oryn aldy. DDU jańa tekserý júrgizýge ýáde berdi.
Dúnıejúzilik densaýlyq saqtaý uıymy (DDU) reseılik Sputnik V koronavırýsqa qarsy vakınany maquldaý proesin toqtatty, dep habarlady Panamerıkalyq densaýlyq saqtaý uıymy (PAHO) basshysynyń orynbasary Jarbas Barboza.
"Dúnıejúzilik densaýlyq saqtaý uıymy koronavırýstyq vakınalar tótenshe jaǵdaıda qoldanýǵa ruqsat beretin proedýranyń bir bóligi retinde, óndirýshi vakınany shyǵaratyn kompanııalardyń qajetti standarttarǵa sáıkes keletinin dáleldeýi tıis",- dep túsindirdi Barboza.
«Sputnik V vakınasyn tótenshe jaǵdaıda qoldanýǵa ruqsat berý proesi toqtatyldy, sebebi vakına jasalǵan zaýyttardyń birin tekserý kezinde zaýyt óndiristik tájirıbeni saqtamaıtyny anyqtaldy», - dedi ol.
DDU bul kelispeýshilikterdiń joıylýyn kútedi
Jarbas Barbozanyń aıtýynsha, DDU qazirgi ýaqytta zaýyt "bul keleńsizdikti toqtatty" degen habarlamany kútýde. Keıin mindetti túrde jańa tekserý júrgiziletinin de basa aıtty.
Dúnıejúzilik densaýlyq saqtaý uıymynyń komıssııasy maýsym aıynda Ýfada Sputnik V - Pharmstandard -UfaVITA shyǵaratyn reseılik kásiporyndardyń birinen zań buzýshylyqty anyqtady. Vakınanyń qutylarǵa quıylý barysyn qatań tekserýde.
Qazirgi ýaqytta DDU amerıkandyq Moderna jáne Pfizer (ekinshisi - nemis BioNTech), eýropalyq Jannsen jáne AstraZeneca, qytaılyq Sinopharm, Sinovac, sondaı -aq úndi Serum Institute of India vakınalaryn shuǵyl túrde qoldanýǵa ruqsat berdi.
"Adyrna" ulttyq portaly
