Bügın, 19 qazanda Reihstagqa tu tıgıp, soǧystyŋ soŋǧy nüktesın qoiǧan batyr, «Halyq qaharmany» Raqymjan Qoşqarbaevtyŋ tuǧan künı, dep habarlaidy «Adyrna» tılşısı.
Ol 1924 jyly qazırgı Aqmola oblysynyŋ Selinograd audanynda düniege kelgen. 1942 jyly äsker qataryna şaqyrylyp, 1944 jyly Frunze qalasyndaǧy (qazırgı Bışkek) jaiau äsker uchilişesın tämamdaǧan. Sol jyldyŋ qazan aiynan bastap 1-Belarus maidany qūramyndaǧy İdrisk atqyştar diviziiasynyŋ 150-atqyştar polkınde vzvod komandirı bolyp, Polşa men Germaniia aumaǧyndaǧy şaiqastarǧa qatysqan.
Raqymjan Qoşqarbaev Berlin operasiiasy kezınde erekşe erlık tanytty. 1945 jylǧy 30 säuırde ol jauynger Grigorii Bulatovpen bırge Reihstagqa alǧaşqylardyŋ bırı bolyp Jeŋıs tuyn tıktı. Soǧystan keiın Elba özenı boiynda ornalasqan keŋestık okkupasiialyq äsker bölımderınde qyzmet ettı. 1947–1967 jyldary Aqmola oblystyq atqaru komitetınde nūsqauşy, keiın Qazaq KSR Ministrler Keŋesı janyndaǧy Qonys audaruşylar jönındegı bas basqarmada inspektor boldy. Al 1967 jyldan bastap «Almaty» qonaq üiınıŋ direktory qyzmetın atqardy.
Erlıgı men eŋbegı üşın Raqymjan Qoşqarbaev «Qyzyl Tu», I därejelı «Otan soǧysy» ordenderımen, sondai-aq «Berlindı alǧany üşın» jäne «Varşavany azat etkenı üşın» medaldarymen marapattalǧan.
Reihstagqa Jeŋıs tuyn tıkkenı üşın «Jauyngerlık Qyzyl Tu» ordenıne ie boldy. 2001 jyly oǧan qaitys bolǧannan keiın «Halyq qaharmany» ataǧy berıldı.
