eGov Mobile mobildı qosymşasynda otbasynyŋ äleumettık jäne materialdyq jaǧdaiyn baǧalauǧa mümkındık beretın jaŋa servis qoljetımdı boldy. Būl turaly Eŋbek jäne halyqty äleumettık qorǧau ministrlıgı jariialady, dep habarlaidy “Adyrna”.
Ministrlıktıŋ mälımetınşe, servis 2027 jylǧy 1 qaŋtardan bastap memlekettık kömektıŋ keibır türlerın otbasynyŋ naqty jaǧdaiy men qajettılıkterıne qarai taǧaiyndau jüiesıne köşu aiasynda engızılgen.
Jaŋa kalkuliator azamattarǧa otbasynyŋ äl-auqat deŋgeiın aldyn ala anyqtap, baǧalau talaptarymen tanysuǧa mümkındık beredı. Esepteu kezınde otbasynyŋ tabysy men mülkınen bölek, onyŋ qūramy, balalardyŋ, qart adamdardyŋ jäne mügedektıgı bar azamattardyŋ boluy siiaqty äleumettık faktorlar da eskerıledı.
Otbasynyŋ jaǧdaiyn baǧalau alty baǧyt boiynşa jürgızılıp, 59-dan astam körsetkıştı qamtidy.
Vedomstvo atap ötkendei, kalkuliator nätijesı paidalanuşynyŋ özı engızgen aqparat negızınde qalyptasady jäne tek anyqtamalyq sipatqa ie. Sondyqtan onyŋ qorytyndysy äleumettık tölemdı taǧaiyndau nemese toqtatu turaly resmi şeşım bolyp eseptelmeidı.
Aita keteiık, 2027 jyldyŋ 1 qaŋtarynan bastap Qazaqstanda äleumettık järdemaqylardy taǧaiyndau tärtıbıne özgerıster engızıledı. Būǧan deiın balanyŋ tuuy, köpbalaly otbasy märtebesı jäne basqa da äleumettık negızder boiynşa berılıp kelgen tölemder endı otbasynyŋ materialdyq jaǧdaiy men naqty mūqtajdyǧyn eskere otyryp taǧaiyndalatyn bolady.
Jaŋa tärtıp äleumettık tölemderdıŋ 14 türıne qatysty. Sonymen qatar Qazaqstandaǧy otbasylardyŋ äl-auqaty bes sanat boiynşa baǧalanady.
