Ázerbaıjannyń Hındarh aýylynda bolǵan jarylys saldarynan bir otbasynyń bes múshesi qaıtys boldy, dep habarlaıdy "Adyrna" ulttyq portaly Trend.az basylymyna silteme jasap.
Jergilikti BAQ-tyń málimetinshe, qaıǵyly oqıǵa kishkentaı balanyń qoqystan granata taýyp alyp, ony úıine ákelýinen bastalǵan. Bala jarylǵysh zatty otbasy múshelerine bergen sátte granata iske qosylyp, joıqyn jarylys oryn aldy.
Aýdandyq prokýratýranyń málimetinshe, oqıǵa saldarynan bes adam qaza taýyp, taǵy eki adam jaraqat alǵan. Qaza tapqandardyń úsheýi – bala.
Ázerbaıjannyń Bas prokýratýrasy bul oqıǵaǵa baılanysty qylmystyq is qozǵap, tergeý amaldaryn bastady. Quqyq qorǵaý organdary jarylǵysh zattyń aýylǵa qalaı jetkenin anyqtaý jumystaryn júrgizýde.
Oqıǵanyń tolyq mán-jaıy anyqtalyp jatyr.
