Bäsekelestıktı qorǧau jäne damytu agenttıgı 11 qazanda «Iаndeks Go» servisınde aqau tuyndaǧanda taksi qūny qymbattaǧan, dep habarlaidy “Adyrna” tılşısı.
Taksi qyzmetıne sūranystyŋ artuyna bailanysty inDrive kompaniiasyna resmi aldyn ala eskertu joldady.
Agenttık mälımetınşe, sol künı jekelegen saparlardyŋ qūny üş esege juyq qymbattaǧan. Būǧan bos kölıkterdıŋ tapşylyǧy men jürgızuşıler ūsynǧan tarifterdıŋ ösuı sebep bolǧan.
inDrive kompaniiasy jaǧdaidy tūraqtandyru üşın servis komissiiasyn mındettı salyqtardy töleuge jetkılıktı eŋ tömengı deŋgeige deiın tömendetken. Sonymen qatar jolauşylar men jürgızuşıler arasyndaǧy baǧa boiynşa kelıssözderge şekteu engızgen.
Vedomstvo Qazaqstandaǧy taksi qyzmetterı naryǧynda ırı servisterdıŋ ülesı basym ekenın atap öttı. Sondyqtan baǧanyŋ negızsız ösuıne jol bermeu jäne qyzmettıŋ halyqqa qoljetımdılıgın qamtamasyz etu maŋyzdy.
Agenttık tüsındıruınşe, Qazaqstan zaŋnamasyna säikes, kompaniianyŋ äreketı tūtynuşylardyŋ qūqyqtaryna ziian keltırgen jaǧdaida, būl bäsekelestık turaly zaŋnamany būzu belgılerın qamtuy mümkın. Osyǧan bailanysty inDrive servisıne zaŋ būzuşylyqqa jol bermeu turaly resmi aldyn ala eskertu jıberılgen.
Eske salaiyq, 8 qazanda Reseidıŋ Riazan oblysyndaǧy Sasovo qalasynda ornalasqan «Iаndeks» kompaniiasynyŋ derekter ortalyǧyna drondar şabuyl jasaǧan. Soqqy saldarynan ört şyǧyp, infraqūrylymnyŋ zaqymdanǧan. Keiınnen Qazaqstan aumaǧynda Iаndeks taksi qyzmetı jūmys ısteuın toqtatty.
