Foto: Social Media/REUTERS
Qazaqstannyŋ Syrtqy ıster ministrlıgı Saud Arabiiasynyŋ Er-Riiad qalasyndaǧy Korol Halid atyndaǧy halyqaralyq äuejaiǧa jasalǧan şabuyldy qataŋ aiyptady. Qazırgı uaqytta oqiǧa saldarynan qaza tapqandar men zardap şekkenderdıŋ arasynda Qazaqstan azamattarynyŋ bar-joǧy tekserılıp jatyr, dep habarlaidy “Adyrna”.
Aldyn ala mälımet boiynşa, olardyŋ arasynda qazaqstandyqtar joq.
Saud Arabiiasynyŋ Azamattyq aviasiia basqarmasynyŋ mälımetınşe, şabuyl saldarynan 12 adam qaza tauyp, taǧy 309 adam jaraqat alǧan. Qaza tapqandar arasynda Saud Arabiiasy, Bangladeş, AQŞ, Mysyr, İordaniia, Siriia, Palestina jäne Sudan azamattary bar. Zardap şekkenderdıŋ keibırınıŋ jaǧdaiy auyr.
Aldyn ala aqparatqa säikes, şabuylǧa Iemendegı husitter jauapkerşılıktı öz moinyna alǧan. Sondai-aq qauıp turaly eskertu jüiesı ıske qosylmaǧany habarlandy.
Būl – soŋǧy bır apta ışınde Er-Riiad äuejaiyna jasalǧan üşınşı şabuyl. Oqiǧadan keiın bırqatar reis basqa äuejailarǧa baǧyttalyp, äuejaidyŋ jūmysy uaqytşa toqtatylǧan.
Qazaqstan Syrtqy ıster ministrlıgı husit jasaqtarynyŋ Saud Arabiiasyndaǧy azamattyq infraqūrylym nysandaryna adam şyǧynyna äkelgen şabuyldaryn qataŋ aiyptady.
Vedomstvonyŋ mälımdeuınşe, mūndai äreketterge gumanitarlyq tūrǧydan jol beruge bolmaidy ärı olar halyqaralyq qūqyq normalaryn būzady. Ministrlık şabuyldar Iemendegı ahualdy tūraqtandyruǧa baǧyttalǧan küş-jıgerge nūqsan keltırıp, qaqtyǧysty saiasi jolmen retteuge kedergı keltıretının atap öttı.
«Şabuyldardy dereu toqtatuǧa jäne daǧdarysty tek saiasi-diplomatiialyq qūraldar arqyly şeşuge şaqyramyz», –delıngen Syrtqy ıster ministrlıgınıŋ mälımdemesınde.
Sonymen qatar Qazaqstan Saud Arabiiasymen yntymaqtastyǧyn rastap, Koroldıktıŋ BŪŪ Jarǧysyna säikes öz egemendıgı men qauıpsızdıgın qorǧauǧa qūqyly ekenın mälımdedı.
Qazırgı uaqytta Qazaqstan azamattarynyŋ oqiǧadan zardap şekkender arasynda bar-joǧyn anyqtau jūmystary jalǧasyp jatyr. Aldyn ala mälımet boiynşa, qaza tapqandar men jaralanǧandardyŋ arasynda Qazaqstan azamattary joq.
