Respublikalyq oqiǧalar men ıs-şaralar küntızbesıne Jetısu oblysy tarapynan engızılgen «Alaköl tolqyny» mädeni-turistık festivalı Jetısu oblysy, Alaköl audany, Aqşi auylyndaǧy Alaköl kölınıŋ jaǧalauynda tiıstı deŋgeide ūiymdastyrylyp, öz märesıne jettı.
«Alaköl tolqyny» festivalıne Qytai, Resei, Belarus, Özbekstan jäne Qyrǧyzstannan kelgen şeteldık turister men qonaqtar, sondai-aq Qazaqstannyŋ är oblysynan kelgen demaluşylar men öŋır tūrǧyndaryn qosa alǧanda, 5 myŋnan astam adam qatysty.
Festivaldıŋ saltanatty aşylu räsımı Alaköl öŋırınıŋ turistık äleuetın, tabiǧi erekşelıkterı men tarihi-mädeni qūndylyqtaryn därıpteitın arnaiy beineroliktıŋ körsetılımımen bastaldy.
Resmi bölımde alǧaşqy qūttyqtau söz Jetısu oblysy äkımınıŋ orynbasary Marlen Kölbaevqa berılıp, ol öŋırde turizm salasyn damytu, turistık infraqūrylymdy jetıldıru jäne Alaköl jaǧalauyn halyqaralyq deŋgeidegı turistık baǧyt retınde damytu baǧytynda atqarylyp jatqan jūmystar turaly aitty.
Odan keiın qūttyqtau söz söilegen Qazaqstan Respublikasy Turizm jäne sport vise-ministrı Miras Tölebaev Alaköl öŋırınıŋ elımızdıŋ turizm salasyndaǧy strategiialyq maŋyzyn atap ötıp, mūndai mädeni-turistık jobalardyŋ Qazaqstannyŋ turistık imidjın nyǧaitudaǧy rölıne toqtaldy. Sondai-aq festivaldıŋ ūiymdastyruşylaryna rizaşylyǧyn bıldırıp, qatysuşylar men qonaqtarǧa ızgı tılegın jetkızdı.
Resmi bölımnen keiın festivaldıŋ konserttık baǧdarlamasy bastalyp, Qazaqstan estradasynyŋ tanymal öner jūldyzdary Turar (Tūrar), Ayree (Airii) jäne Asel Mekebaeva körermenderge köterıŋkı köŋıl küi syilady. Tanymal oryndauşylardyŋ süiıktı änderı Alaköl jaǧalauyna jinalǧan myŋdaǧan körermennıŋ ystyq yqylasyna bölenıp, erekşe merekelık atmosfera qalyptastyrdy.
Festival aiasynda qonaqtarǧa arnalǧan oiyn-sauyq baǧdarlamasy da ūiymdastyryldy. Atap aitqanda, hodulisterdıŋ äserlı qoiylymdary ūsynylyp, tırı müsınder men alyp oiynşyq keiıpkerlerı öner körsettı. Olar festival qonaqtarymen jarqyn jüzdesıp, estelık suretterge tüsıp, äsırese balalarǧa erekşe quanyş syilady.
Sonymen qatar, körermenderdıŋ qatysuymen interaktivtı oiyndar ötkızılıp, belsendı qatysuşylarǧa arnaiy syilyqtar tabystaldy. Festival aumaǧynda arnaiy fotozona jūmys ıstep, keluşılerge Alaköl jaǧalauyndaǧy jarqyn sätterdı estelıkke ainaldyruǧa mümkındık berıldı.
Keştıŋ barysynda käsıbi DJ-dıŋ qatysuymen zamanaui muzykalyq baǧdarlama ūiymdastyryldy. Äserlı dybystyq süiemeldeu, festivaldıŋ sänın keltırıp, aşyq aspan astyndaǧy tüngı bi alaŋynda myŋdaǧan qonaqtyŋ basyn qosty.
Festivaldıŋ şaryqtau şegı retınde Alaköl aspanyn jarqyrata kömkergen äserlı merekelık otşaşu ūiymdastyryldy. Türlı tüske boialǧan ot şaşular köl jaǧalauyna erekşe körık berıp, festivaldıŋ jarqyn qorytyndysyna ainaldy.
«Alaköl tolqyny» festivalınıŋ basty maqsaty – Jetısu oblysynyŋ turistık äleuetın keŋınen tanytu, Alaköldıŋ halyqaralyq turistık baǧyt retındegı bedelın arttyru, ışkı jäne kelu turizmın damytu, öŋırdıŋ mädeni ömırın jandandyru jäne qazaqstandyq ärı şeteldık turisterge joǧary deŋgeidegı mädeni demalys ūsynu boldy.
Mädeniet pen turizmdı toǧystyrǧan aituly joba retınde ötken «Alaköl tolqyny» festivalı öŋırdıŋ turistık tartymdylyǧyn arttyruǧa, Jetısu oblysynyŋ oŋ imidjın qalyptastyruǧa jäne Alaköl jaǧalauyn halyqaralyq deŋgeidegı turistık ortalyq retınde därıpteuge öz ülesın qosty.
Oblystyq turizm basqarmasynyŋ mälımetı boiynşa daiyndaldy.
