Foto: Aqorda
Senat töraǧalyǧynan ketken Mäulen Äşımbaev nemen ainalysyp jürgenın aitty. Ol Şeih Zaid atyndaǧy «Adamzat bauyrlastyǧy üşın» halyqaralyq syilyǧynyŋ qazylar alqasynyŋ qūramyna kırdı. Būl turaly Mäulen Äşımbaev äleumettık paraqşasynda jazdy,dep habarlaidy “Adyrna”.
Äşımbaevtyŋ aituynşa, ol Şeih Zaid atyndaǧy «Adamzat bauyrlastyǧy üşın» halyqaralyq syilyǧynyŋ 2027 jylǧy laureattaryn anyqtaityn qazylar alqasynyŋ qūramyna engen.
Qazylar alqasyna ony äl-Azhardyŋ Bas imamy Ahmed at-Taiebtıŋ ūsynysymen engızgen.
«2027 jylǧy laureattardy anyqtau jönındegı qazylar alqasynyŋ qūramyna engenım men üşın ülken märtebe», – dep jazdy Senat töraǧasy.
Onyŋ mälımetınşe, qazylar alqasynyŋ qūramyna Portugaliianyŋ būrynǧy prezidentı Marselu Rebelu de Souza, BŪŪ-nyŋ bosqyndar ısı jönındegı būrynǧy Joǧarǧy komissary, İraktyŋ būrynǧy prezidentı Barham Saleh, Livannyŋ bırınşı hanymy Nehmat Aun jäne Papa keŋesınıŋ mädeniet jönındegı būrynǧy töraǧasy kardinal Djanfranko Ravazi kırgen.
Şeih Zaid atyndaǧy «Adamzat bauyrlastyǧy üşın» syilyǧy mädenietter men dınder arasyndaǧy dialogty, beibıtşılık pen özara tüsınıstıktı damytuǧa üles qosqan adamdar men ūiymdarǧa berıledı.
Äşımbaev būl jūmysty Qazaqstannyŋ mädenietaralyq jäne dınaralyq dialog salasynda jinaqtaǧan täjıribesın halyqaralyq deŋgeide tanystyruǧa mümkındık beretının atap öttı.
«Qazylar alqasynyŋ qūramyndaǧy jūmys beibıtşılık pen özara tüsınıstık qūndylyqtaryn ılgerıletuge, sondai-aq Qazaqstannyŋ mädenietaralyq jäne dınaralyq dialog salasynda jinaqtaǧan täjıribesın tanystyruǧa üles qosuǧa mümkındık beredı dep senemın», – dedı ol.
