«Bäiterek» ūlttyq basqaruşy holdingı direktorlar keŋesınıŋ qūramynda özgerıs boldy, dep habarlaidy “Adyrna” ūlttyq portaly.
Qazaqstan qor birjasynyŋ (KASE) saitynda jariialanǧan resmi mälımette 14 qazandaǧy jalǧyz aksionerdıŋ şeşımımen Qanat Şarlapaev direktorlar keŋesınıŋ qūramynan şyǧarylǧany turaly aqparat taraǧan.
Osy özgerısten keiın «Bäiterek» holdingınıŋ direktorlar keŋesı toǧyz müşeden tūrady.
Aita keteiık, 29 qyrküiekte Qanat Şarlapaev «Samūryq-Qazyna» ūlttyq äl-auqat qory direktorlar keŋesınıŋ qūramynan da şyǧarylǧan edı.
Qanat Şarlapaev — 1981 jyly Resei Federasiiasynda tuǧan. Saratov äleumettık-ekonomikalyq universitetı men Ūlybritaniiadaǧy Krenfild menedjment mektebın tämamdaǧan. Mamandyǧy boiynşa ekonomist, qarjy jäne basqaru magistrı.
Ol 2023 jylǧy 4 qyrküiekte Toqaevtyŋ jarlyǧymen önerkäsıp jäne qūrylys ministrı bolyp taǧaiyndalǧan. Keiın 2025 jylǧy 28 aqpanda ministr qyzmetınen bosatylyp, prezidenttıŋ kömekşısı atandy. Alaida osy jyldyŋ küzınde kömekşı qyzmetınen de bosatylǧan.
