Foto: Qorǧanys ministrlıgı
Qorǧanys ministrı, general-maior Aidos Myrzahmetov vedomstvonyŋ basşylyq qūramymen alǧaşqy jūmys keŋesın ötkızdı. Jiynda Qaruly küşterdı odan ärı damytu jäne reformalau boiynşa negızgı mındetter talqylandy, dep habarlaidy "Adyrna".
Kezdesude Memleket basşysy, Qazaqstan Respublikasy Qaruly küşterınıŋ Joǧarǧy Bas qolbasşysy jüktegen armiiany keşendı jaŋǧyrtu jönındegı tapsyrmalardy oryndauǧa basymdyq berıldı. Äskeri reformalar kezınde qazırgı qauıp-qaterler, qaruly qaqtyǧystardyŋ täjıribesı, äskeri tehnologiialardyŋ damuy jäne äskeri qyzmetşılerdıŋ qauıpsızdıgı eskerılmek.
Ministrdıŋ aituynşa, negızgı mındetterdıŋ qatarynda äskerlerdıŋ naqty jauyngerlık äzırlıgın arttyru, basqaru jüiesın jetıldıru, jauyngerlık daiarlyq sapasyn köteru, sondai-aq qaru-jaraq pen äskeri tehnikany jaŋǧyrtu bar.
Äskeri qyzmetşılerdıŋ moraldyq-psihologiialyq jaǧdaiyna da erekşe män berıldı. Komandirlerge äskeri ūjymdarda qolaily ahual qalyptastyru, tärbie jūmysynyŋ tiımdılıgın arttyru jäne jeke qūramnyŋ qyzmet etu jaǧdailaryn jaqsartu tapsyryldy. Sonymen qatar jarǧyǧa jat qarym-qatynastardyŋ aldyn alu jäne äskeri qyzmet qauıpsızdıgın qamtamasyz etu mäselelerı nazarda bolady.
Aidos Myrzahmetov äskeri qyzmetşılerdı daiarlau jüiesın qazırgı zamanǧy soǧys jaǧdaiyna beiımdeu qajettıgın atap öttı. Oqu-jattyǧular praktikalyq täjıribege jäne zamanaui qaruly qaqtyǧystardyŋ sabaqtaryn taldauǧa negızdeluı tiıs.
Būl rette ūşqyşsyz ūşu jüielerı, radioelektrondyq küres qūraldary, barlau jäne bailanys jüielerı sekıldı zamanaui tehnologiialardy qoldanuǧa basymdyq berılmek.
Äskeri bölımderdıŋ jauyngerlık mındetterdı oryndauǧa äzırlıgı de basty nazarda. Komandirlerge jeke qūramnyŋ käsıbi daiarlyǧyn qamtamasyz etu, bölımşelerdıŋ üilesımdı äreketın qalyptastyru jäne türlı jaǧdaida jedel qimyldauǧa tūraqty äzırlıktı saqtau mındetı qoiyldy.
Reformanyŋ taǧy bır baǧyty – Qaruly küşterdı basqaru jüiesın jetıldıru. Būl baǧytta sifrlandyrudy jalǧastyru, artyq äkımşılık räsımder men eseptılıktı qysqartu josparlanyp otyr.
Ministrdıŋ tapsyrmasyna säikes, bosatylǧan resurstar äskerlerdıŋ jauyngerlık qabıletın arttyruǧa baǧyttaluy kerek.
Materialdyq-tehnikalyq qamtamasyz etu mäselesı de nazardan tys qalmaidy. Qaru-jaraq pen qajettı resurstardy satyp alu kezınde äskerlerdıŋ naqty qajettılıkterı men jauyngerlık daiarlyqtyŋ basym baǧyttary eskerılmek. Sonymen bırge biudjet qarajatyn tiımdı paidalanu jäne tiımsız şyǧyndarǧa jol bermeu tapsyryldy.
«Armiia eseptık körsetkışter men közboiauşylyq ıs-şaralar üşın emes, naqty nätijege qol jetkızu üşın damuy kerek», – dedı Qorǧanys ministrı.
Jūmys keŋesınde Memleket basşysynyŋ tapsyrmasymen Qorǧanys ministrlıgınıŋ qyzmetıne jürgızılıp jatqan keşendı tekserudıŋ barysy da qaraldy. Qūrylymdyq bölımşelerdıŋ basşylaryna komissiia jūmysyna qajettı qoldau körsetıp, sūratylǧan aqparatty tolyq ūsynu tapsyryldy.
Eske salaiyq, 2026 jylǧy 24 qyrküiekte Kaspii teŋızındegı äskeri oqu-jattyǧu kezınde äskeri qyzmetşıler qaza tapqany habarlanǧan bolatyn. Keiın ızdestıru-qūtqaru jūmystary barysynda qaza bolǧandardyŋ sany 14 adamǧa jettı.
Oqiǧadan keiın Memleket basşysynyŋ tapsyrmasymen Qorǧanys ministrlıgınıŋ qyzmetın tekseru jönındegı komissiia qūryldy. Komissiia alǧaşqy nätijelerı turaly jetı kün ışınde baiandauy tiıs.
Oqiǧaǧa bailanysty Qaruly küşterdıŋ joǧary jäne aǧa komandalyq qūramyndaǧy bırqatar jauapty lauazymdy tūlǧa ūstaldy. Olarǧa qyzmetke salǧyrt qarau jäne auyr zardaptarǧa äkep soqqan korabl jürgızu qaǧidalaryn būzu boiynşa qylmystyq qūqyq būzuşylyq jasady degen küdık keltırıldı.
26 qyrküiekte Maŋǧystau oblysynda Kaspiidegı oqiǧa kezınde qaza tapqan äskeri qyzmetşıler jer qoinyna tapsyryldy.
Osy jaǧdaidan keiın Däuren Qosanov Qorǧanys ministrı qyzmetınen bosatylyp, onyŋ ornyna Aidos Myrzahmetov taǧaiyndaldy. Memleket basşysy jaŋa ministrge äskeri basqaru jüiesın jetıldırudı jäne Qaruly küşterdıŋ jauyngerlık qabıletın arttyruǧa baǧyttalǧan jūmysty küşeitudı tapsyrdy.
