Jambyl oblysynda qaza tapqan sarbazdyń týystary onyń komandırlerin jazalaýdy talap etýde, dep habarlaıdy “Adyrna” ulttyq portaly.
Orca.kz saıtynyń habarlaýynsha, jaqynda onyń 18 jastaǵy áriptesine qatysty tergeý aıaqtaldy. Jaýyngerdiń aldaǵy taǵdyryn sot sheshedi. Alaıda Qalbaıdyń týystary bul nátıjege narazy.
Aıta keteıik, Álibek Qalbaı sáýir aıynda Jambyl oblysyna qarasty áskerı bólimde qaıtys boldy. Áskerge shaqyrylýshy jasaqtaý kezinde esin joǵaltyp, qaıtys bolǵan edi. Bul qyzmet bastalǵannan keıin tórt kún ótken soń oryn alǵan oqıǵa. Áskerge qabyldanǵan adam ant berýge de úlgermedi. Álibektiń denesinen kógergen jerler men syzattar tabylǵan. Tergeý nátıjesinde ólimniń sebebi kúsh kórsetý ekeni anyqtaldy. Áskerı prokýratýra Qalbaıdyń ólimine qatysy bar áriptesine qatysty tergeýdiń aıaqtalǵanyn habarlady. Qazir is sotta zerttelýde. Al komandırler tártiptik jaza aldy.
«Amanjolov Aıbolatqa qatysty qylmystyq is qozǵalyp, is sotqa jiberilip jatyr. Biraq bul tergeýge kóńilimiz tolmaıdy, óıtkeni mundaǵy kináliler tek Aıbolat emes, bizdińshe. Laýazymdy tulǵalar: ofıerler, serjanttar – olardyń ústinen eki aı buryn qylmystyq is qozǵalǵan. Biraq qazir tergeý qaı satyda, tergeýshi bizge túsinikteme berýden bas tartyp otyr», – deıdi marqumnyń týysy Rysgúl Tólegenova.
Atalǵan is boıynsha telearna jýrnalısterine QR Bas áskerı prokýrorynyń aǵa kómekshisi Erkin Qojahmet túsinikteme berdi.
«Qatardaǵy jaýynger Amanjolovqa qatysty Qylmystyq kodekstiń 440-babynyń 4-bóligi boıynsha tergeý áreketteri aıaqtaldy. Qazirgi ýaqytta kúdikti Amanjolov sot qaýlysymen qamaýǵa alyndy. Qyzmettik kemshilikteri úshin áskerı bólim komandıri Dospaev pen oqý rotasynyń komandıri Tólebaev qyzmetterinen bosatyldy. Bólimshe komandıriniń tárbıe isi jónindegi orynbasary Nuralıev pen áskerı oqý ornynyń bastyǵy Álimovke qatań sógis jarııalandy», - dedi ol.
Maýsym aıynda Qorǵanys mınıstri Rýslan Jaqsylyqov áskerı boryshyn óteý kezinde óz-ózine qol jumsaý faktileriniń kóbeıýine qatysty pikir bildirip, olardyń ólimine tek armııa ǵana kináli emes ekenin aıtqan bolatyn.
“Adyrna” ulttyq portaly
