Bügın, 27 qyrküiek künı Däuren Qosanov Qazaqstan Respublikasynyŋ Qorǧanys ministrı lauazymynan bosatylǧany habarlanǧan. Onyŋ ornyn Aidos Myrzahmetov basty, dep habarlaidy "Adyrna".
"Memleket basşysynyŋ Jarlyǧymen Aidos Säkenūly Myrzahmetov Qazaqstan Respublikasynyŋ Qorǧanys ministrı bolyp taǧaiyndaldy, ol būrynǧy atqarǧan lauazymynan bosatyldy", delıngen Aqorda habarlamasynda.
Aidos Myrzahmetov – QR Qaruly Küşterı Äskeri akademiiasynyŋ 2002 jylǧy tülegı. Qyzmet jyldary ışınde vzvod komandirınen bastap Memlekettık küzet qyzmetı departamentınıŋ bastyǧyna deiıngı joldan ötıp, joǧary käsıbilıgımen, mınezınıŋ berıktıgımen jäne jauapkerşılıgımen erekşelendı.
2024 jylǧy qaŋtarda Qazaqstan Respublikasy Prezidentınıŋ Jarlyǧymen Arnaiy operasiialar küşterınıŋ qolbasşysy bolyp taǧaiyndaldy. II därejelı "Aibyn" ordenımen nagradtalǧan. 2026 jyly mamyr aiynda oǧan joǧary äskeri şen – general-maior äskeri ataǧy berılgen bolatyn.
Eske salaiyq, 24 qyrküiekte Kaspii teŋızınde äskeri oqu-jattyǧu kezınde aua raiynyŋ naşarlap, jeldıŋ küşeiuı saldarynan 17 äskeri qyzmetşını teŋız aǧyzyp äkettı. Olardyŋ 14-ı qaza tauyp, üşeuı qūtqaryldy.
Oqiǧa boiynşa ekı qylmystyq ıs qozǧaldy. Olar Qylmystyq kodekstıŋ 453-babynyŋ 2-bölıgı ("Auyr zardaptarǧa äkep soqqan qyzmetke salǧyrt qarau") jäne 465-baby ("Keme jürgızu qaǧidalaryn būzu") boiynşa tergelıp jatyr.
Küdıktıler anyqtalyp, Qorǧanys ministrlıgı jüiesınıŋ bes lauazymdy tūlǧasy ūstalǧan bolatyn.
